02.07.2026 | 12:18
«Բարև ձեզ, ինչի՞ եք եկել», «Ո՞վ եք Դուք, որ ասեք՝ ինչի եք եկել»․ բանավեճ ԱԺ-ում․ ՏԵՍԱՆՅՈՒԹ
«Այս փուլում հավատալ-չհավատալու խնդիր չունենք». Ռուստամ Բադասյանը՝ Արա Բաբլոյանի հայտարարության մասին. ՏԵՍԱՆՅՈՒԹ
Հասարակություն
29.10.2019 | 12:03
Տրվել է բացասական եզրակացություն, այս անգամ չենք հասնի դատական քննության փուլ, միջնորդությունը չի ուղարկվի դատարան։ Այս մասին այսօր լրագրողների հետ ճեպազրույցում նշեց արդարադատության նախարար Ռուստամ Բադասյանը՝ անդրադառնալով Հոկտեմբերի 27-ի ահաբեկչական գործողության պարագլուխ Նաիրի Հունանյանի՝ վաղաժամկետ ազատ արձակման դիմումին։
«Տարածել ենք հաղորդագրոըւթյուն։ Կա բողոքարկելու որոշակի ժամկետ։ Ամեն դեպքում, այս փուլում Արդարադատության նախարարության ենթակա մարմինների ոլորտից այն դուրս է»,- ասաց նախարարը։
Խոսելով հոկտեմբերի 21-ին Արդարադատության նախարարության նախկին պաշտոնյաների չարաշահումների առնչությամբ հարուցված քրեական գործից, Ռուստամ Բադասայանը նշեց. «Կարծում եմ՝ կոռուպցիայի վերաբերյալ ցանկացած կասկած պետք է մանրակրկիտ ուսումնասիրվի իրավապահ մարմինների կողմից։ Եթե հիմքեր կան, քրեական գործեր հարուցվեն, քննություն տարվի, պարզվի՝ արդյո՞ք կա որևէ հանցավոր արարք»։
Ռուստամ Բադասյանն անդրադարձավ նաև երեկ ԱԺ նախկին նախագահ Արա Բաբլոյանին առաջադրված մեղադրանքին։
«Այս փուլում հավատալ-չհավատալու խնդիր դրված չէ։ Պետք է հետևենք հետագա հաղորդագրություններին։ Քննությունն ընթանում է։ Ցանկացած բան, որն այս փուլում համարվում է պարզված, կարող է փոխվել»,- ասաց նախարարը:
Մանրամասները՝ տեսանյութում։
Նելլի Մելքոնյան
