16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Միքայել Մինասյանը չի հարցաքննվել. ԱԱԾ տնօրենի ԺՊ-ն՝ Նիկոլ Փաշինյանի հայտարարության մասին. ՏԵՍԱՆՅՈՒԹ
Հասարակություն
28.10.2019 | 22:30
Սերժ Սարգսյանի փեսա Միքայել Մինասյանը հարցաքննության չի հրավիրվել: Այս մասին Factor.am-ին ասաց ԱԱԾ տնօրենի պաշտոնակատար Էդուարդ Մարտիրոսյանը:
Հիշեցնենք, որ Վարչապետ Նիկոլ Փաշինյանը Վանաձորում կայացած իր ասուլիսի ժամանակ Factor.am-ի հարցին ի պատասխան անդրադարձել էր Սերժ Սարգսյանի փեսա Միքայել Մինասյանի կողմից «ՁորաՀԷԿ»-ի սեփականաշնորհմանը:
«Ես հիմա չեմ ուզում այնպիսի հայտարարություն անել, որը նախաքննության առումով զուտ խնդիրներ կառաջացնի, բայց Միքայել Մինասյանը Հայաստանի շատ օբյեկտների սեփականատեր է եղել և մինչև օրս շարունակում է մնալ, ուրիշ բան, որ այդ սեփականությունը գրանցված է եղել մի կնոջ անունով, որի անունը ոչ մեկի ոչ մի բան չի ասում։ Իզուր են նաև իրենք ձև անում, թե իրենք տեղյակ չեն, թե ինչի մասին է խոսքը»,- ասել էր նա։
Այսօր ԱԱԾ տնօրենի պաշտոնակատար Էդուարդ Մարտիրոսյանից հետաքրքրվեցինք՝ Միքայել Մինասյանն այս գործով ԱԱԾ չի՞ հրավիրվելու, նրանից պարզաբանումներ չե՞ն պահանջվելու․ «Եթե պարզաբանման հարց կա, ոչ մի կաշկանդող հարց չի կարա լինի: Նա չի հրավիրվել ԱԱԾ»,- եզրափակեց ԱԱԾ տնօրենի պաշտոնակատարը։
Նարեկ Կիրակոսյան
