08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Ի՞նչ կտա հոկտեմբերի 27-ի դեպքերին քննիչ հանձնաժողովը»․Վահագն Հովակիմյան. ՏԵՍԱՆՅՈՒԹ
Քաղաքականություն
28.10.2019 | 17:07
Խորհրդարանում այս պահի դրությամբ ոչ մի քննարկում տեղի չի ունեցել, թե քաղաքական նոր իրավիճակի պայմաններում պե՞տք է ձևավորվի քննիչ հանձնաժողով, որը պետք է անդրադառնա Հոկտեմբերի 27-ի հանցագործությանը։ Այս մասին Factor.am-ին տեղեկացրեց ԱԺ «Իմ քայլը» խմբակցության անդամ Վահագն Հովակիմյանը։
«Ի՞նչ կտա քննիչ հանձնաժողովը։ Եթե ես այդ խնդրին մոտենամ, եթե քննիչ հանձնաժողով ստեղծվի, հնարավո՞ր է առաջ գնալ, օգուտ կտա»,- հարցնում է Վահագն Հովակիմյանը։
Պատգամավորը հիշեցրեց, որ այս գործում կա կարճված նախաքննություն, որը պետք է անդրադառնար կազմակերպիչներին։
«Նույնիսկ եթե գաղտնիության ռեժիմով անդրադառնանք նյութերին, դիմել մարմնին, մեզ տրամադրեն, որոշումը պիտի լինի հրապարակային, բայց նախաքննության մարմինն է որոշելու ինչ տրամադրի։ Այստեղ ոչինչ միանշանակ չէ։ 27-ը մեր պատմության այն էջերից է, որտեղ եթե չես կարող մի քայլ առաջ գնալ, ձեռք տալն իմաստ չունի, պետք է վստահ լինես, որ մի փոքր օգուտ կտաս»,- ասաց Վահագն Հովակիմյանը։
Մանրամասները՝ տեսանյութում:
