21.05.2026 | 22:00
Անդրանիկ Թևանյանին վերագրվող մեղադրանքը, ենթադրաբար, առնչվում է Արարատ Միրզոյանի մասնակցությամբ ԱԺ փակ նիստին
Արման Բաբաջանյանը պաշտոնապես դիմել է ՍԴ դատավոր Վահե Գրիգորյանին՝ կոչ անելով պարզաբանել ՍԴ աշխատանքներին չմասնակցելու նրա իրական դրդապատճառները
Քաղաքականություն
28.10.2019 | 15:42
Ազգային ժողովի պատգամավոր Արման Բաբաջանյանը ֆեյսբուքյան գրառամամբ տեղեկացրել է , որ դիմել է ՍԴ դատավոր Վահե Գրիգորյանին՝ պարզաբանելու համար ՍԴ աշխատանքներին չմասնակցելու նրա իրական դրդապատճառները:
«Վերջին շրջանում մամուլում, հանրային-քաղաքական քննարկման առարկա է դարձել Սահմանադրական դատարանի դատավոր Վահե Գրիգորյանի կողմից ՍԴ աշխատանքներին չմասնակցելու, միևնույն ժամանակ աշխատավարձ ստանալու, ծառայողական մեքենայից օգտվելու հանգամանքը:
Ազգային ժողովի «Բարգավաճ Հայաստան» խմբակցությունը, այլ պատգամավորներ քննարկում են այդ հիմքով Վահե Գրիգորյանի լիազորությունները դադարեցնելու նպատակահարմարության հարցը:
Այս խնդիրը պարզաբանելու, ՍԴ աշխատանքներին չմասնակցելու իրական դրդապատճառները ներկայացնելու կոչով այսօր պաշտոնապես դիմել եմ ՍԴ դատավոր Վահե Գրիգորյանին»,- գրել է պատգամավորը:
