07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Միջոցառում իրականացնելու անհրաժեշտություն այս գործով հաստատ կլինի. ԱԱԾ տնօրենի ԺՊ-ն՝ Բաբաջանյան-Հունանյան հանդիպման մասին. ՏԵՍԱՆՅՈՒԹ
Հասարակություն
28.10.2019 | 15:13
Եթե անհրաժեշտություն եղավ, այս գործով կիրականացնենք միջոցառում: ԱԺ-ում լրագրողների հետ զրույցում այս մասին ասաց ԱԱԾ պետի ժամանակավոր պաշտոնակատար Էդուարդ Մարտիրոսյանը՝ անդրադառնալով Նաիրի Հունանյանի և ԱԺ պատգամավոր Արման Բաբաջանյանի հանդիպմանը:
Հարցին, թե Արման Բաբաջանյանը պնդում է, որ Հոկտեմբերի 27-ի գործով նոր հանգամանքներ կարող են ի հայտ գալ, ի՞նչ նոր հանգամանքների մասին է խոսքը՝ Մարտիրոսյանը պատասխանեց. «Ճիշտ կլիներ, որ այդ հարցով դիմեիք Արման Բաբաջանյանին: Բայց եթե նոր հանգամանքներ ի հայտ գան, մենք պետք է շարունակենք մեր գործողությունները»:
Դիտարկմանը՝ անհրաժեշտություն չկա՞, որ ԱԱԾ-ն զրուցի Բաբաջանյանի հետ և ուսումնասիրի Բաբաջանյանի և Հունանյանի խոսակցությունը, որը ձայնագրվել է, ԱԱԾ տնօրենի ժամանակավոր պաշտոնակատարն արձագանքեց. «Չգիտեմ՝ որտեղից ձեզ տեղեկատվություն, որ այդ խոսակցությունը ձայնագրվել է: Մենք Արման Բաբաջանյանին վստահում ենք, եթե հանդիպենք, ամբողջ իրականությունը կասի: Եթե ահրաժեշտություն եղավ, իսկ անհրաժեշտություն այս գործով հաստատ կլինի, մենք կիրականացնենք միջոցառում»:
Մանրամասները՝ տեսանյութում:
Նարեկ Կիրակոսյան
