01.09.2026 | 18:15
«Նապոլիի» ֆուտբոլիստը սրտի վիրահատության կենթարկվի
Փաշինյան-Ալիև հանդիպում այս պահին չի ծրագրվում․ Զոհրաբ Մնացականյան. ՏԵՍԱՆՅՈՒԹ
Քաղաքականություն
28.10.2019 | 15:10
Հայաստանի և Ադրբեջանի միջև բարձր՝ ղեկավարների մակարդակով հանդիպում այս պահին չի ծրագրվում: Այսօր լրագրողների հետ հանդիպմանը պատասխանելով առաջիկայում Նիկոլ Փաշինյան-Իլհամ Ալիև հանդիպման հնարավորության մասին հարցին՝ ասաց ՀՀ ԱԳ նախարար Զոհրաբ Մնացականյանը:
«Այս պահին ծրագրվում է ԱԳ նախարարների մակարդակով հանդիպումների շարունակություն, և դա կլինի մոտակա ամիսների ընթացքում»,- հավելեց Մնացականյանը:
Նրա խոսքով՝ հիմա ավելի շատ կենտրոնացած են հենց այդ մակարդակով հանդիպումների ուղղությամբ. «Եվ դա հիմքն է՝ ղեկավարների մակարդակով հանդիպում նախապատրաստելու համար: Ամեն ինչ՝ իր հերթին»:
Զոհրաբ Մնացականյանը նշեց նաև, որ քննարկումների օրակարգը վերաբերում է թե՛ խաղաղ կարգավորմանն առնչվող անմիջական հարցերին, թե՛ այն միջավայրին, որի շրջանակում պետք է տեղի ունենա խաղաղ կարգավորումը: «Մենք տարբեր այլ հարցեր ունենք, որոնք վերաբերում են կոնկրետ քայլերի և պայմանավորվածությունների, որոնք ձեռք են բերվել այս շրջանում, բայց դեռևս իրականացման փուլում են: Հուսով եմ, որ առաջիկայում կկարողանանք իրականացնել որոշ քայլեր, որոնք ծառայում են այդ պայմանավորվածությունների իրականացմանը»,- նշեց ԱԳ նախարարը:
Մանրամասները՝ տեսանյութում:
