25.04.2024 | 23:42
Սանոսյանն ու Կոպիրկինը քննարկել են Հայկական ԱԷԿ-ի երկրորդ էներգաբլոկի շահագործման երկարաձգման հարցը
Գրեթե ակնհայտ է, որ 7 տոկոսին մոտ տնտեսական աճ ենք ունենալու. Նիկոլ Փաշինյան. ՏԵՍԱՆՅՈՒԹ
Տնտեսություն
28.10.2019 | 10:50
2019 թվականի առաջին 10 ամսվա տվյալներով՝ մենք ունենք 7․1% տնտեսական ակտիվության ցուցանիշ։ Այս մասին ԱԺ-ում 2020 թվականի բյուջեի նախագծի քննարկման ժամանակ ասաց ՀՀ վարչապետ Նիկոլ Փաշինյանը:
«Գրեթե ակնհայտ է, որ 7 տոկոսին մոտիկ տնտեսական աճ ենք ունենալու, բայց Ֆինանսների նախարարությունը տնտեսական աճի հնարավոր ցուցանիշը գնահատում է 6.3%, իսկ ԿԲ-ն՝ 6.7%։ Միջազգային կազմակերպությունները, մասնավորապես, Արժույթի միջազգային հիմնադրամը, Համաշխարհային բանկը, Ասիական զարգացման բանկը բոլորը՝ առանց բացառության, վերագնահատել են Հայաստանում տնտեսական աճի վերաբերյալ իրենց գնահատականները և բոլորը բարձրացման միտումով»,- նկատեց Փաշինյանը։
Վարչապետի դիտարկմամբ՝ շատ կարևոր է սպառողական գների ինդեքսի՝ գնաճի ցուցանիշը, որը 1․6% է։
«Տնտեսագետները շատ նեղսրտում են, երբ որ գնաճը բարձր է լինում, նույնքան սրտնեղում են, երբ որ գնաճը ցածր է լինում, դրա համար կարծում եմ, որ 1․6 տոկոսն այն ցուցանիշն է, որը մեր հարգելի տնտեսագետներին որոշակի կոմֆորտ զգալու հնարավորություն կտա»,- նշեց Նիկոլ Փաշինյանը։
Հիշեցնենք, որ այսօր ԱԺ-ում քննարկվում է 2020 թվականի բյուջեի նախագիծը։
Մանրամասները՝ տեսանյութում։
