02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Նա կխոսի, թե չի խոսի, մինչև կյանքի վերջ պետք է նստի բանտում․ Ստեփան Դեմիրճյան․ ՏԵՍԱՆՅՈՒԹ
Հասարակություն
27.10.2019 | 15:25
Հոկտեմբերի 27-ի գործով դատավարությունը չի տվել բազմաթիվ հարցերի պատասխաններ: Այս մասին Կոմիտասի անվան պանթեոնում լրագրողների հետ զրույցում ասաց Հոկտեմբերի 27-ի ոճրագործության ընթացքում զոհված ՀՀ ԱԺ նախագահ Կարեն Դեմիրճյանի որդին՝ Ստեփան Դեմիրճյանը։
Նրա խոսքով՝ Հոկտեմբերի 27-ի գործը վերաբացելու որոշում չկա, սակայն կա հանրային հսկայական պահանջ:
«Նույնիսկ 20 տարի անց լիարժեք բացահայտման հասարակական պահանջն էլ ավելի է ուժեղացել այն պատճառով, որ ժողովուրդը տեսնում է՝ նոր իշխանությունը բացահայտում է պետության դեմ կատարած հանցագործությունները, ունի քաղաքական կամք, կաշկանդված չէ, և ժողովուրդը հույս ունի՝ իշխանությունը կանդրադառնա նաև Հոկտեմբերի 27-ի ոճրագորությանը։ Քչերն են հավատում, որ այդ ոճրագործների հետևում այլ ուժեր կանգնած չեն եղել»,- ասաց Ստեփան Դեմիրճյանը։
Անդրադառնալով Նաիրի Հունանյանին վաղաժամկետ ազատ արձակելու հնարավորությանը՝ Ստեփան Դեմիրճյանը նշեց. «Ուզում է՝ դիմում գրի, ուզում է՝ խոսի, ուզում է՝ չխոսի, նա մինչև իր կյանքի վերջը պետք է անցկացնի բանտում, պետք է նստի: Կան հանցագործություններ, որոնք չեն ներվում»։
Մանրամասները՝ տեսանյութում:
Նարեկ Կիրակոսյան
