07.09.2026 | 20:16
Ռուսաստանը հարվածել է Ուկրաինայում British American Tobacco ծխախոտի գործարանին
Գագիկ Ջհանգիրյանն իր մասին այսօր հնչեցրած հայտարարությունները չի մեկնաբանում
Հասարակություն
27.10.2019 | 13:16
Այսօր Եռաբլուր զինվորական պանթեոնում Հոկտեմբերի 27-ի զոհերի հիշատակին հարգանքի տուրք մատուցելիս թե՛ Սասուն Միքայելյանը, թե՛ Վաղարշակ Հարությունյանը լրագրողների հետ զրույցում ասացին, որ շատ հարցերի պատասխաններ կարող է տալ նախկին զինդատախազ Գագիկ Ջհանգիրյանը:
Սասուն Միքայելյանի պնդմամբ՝ Գագիկ Ջհանգիրյանը Հոկտեմբերի 27-ի գործով ցանկացել է խոսել, բայց Ռոբերտ Քոչարյանը նրան թույլ չի տվել, և հիմա ժամանակն է, որ նա խոսի:
Վաղարշակ Հարությունյանն էլ ասաց, որ ՌՈ-ն ի վիճակի չի եղել կանխել ոճրագործությունը, Գագիկ Ջհանգիրյանը ցուցմունքերից տեղյակ է եղել:
Այս հարցերի շուրջ Factor.am-ը փորձեց մեկնաբանություն ստանալ Գագիկ Ջհանգիրյանից: Նա, սակայն, ասաց, որ չի պատրաստվում որևէ հարցի պատասխանել և անջատեց լսափողը:
Հիշեցնենք, որ տարիներ առաջ, երբ Գագիկ Ջհանգիրյանը դեռ զինդատախազ էր, պատասխանելով պատգամավորների հարցերին՝ ասել էր, որ Հոկտեմբերի 27-ի մասին կխոսի այն ժամանակ, երբ լինի սովորական անձ և ոչ թե պաշտոնյա: Այս դեպքերից գրեթե 20 տարի անց էլ նա դեռ չի խոսել:
