22.06.2026 | 18:48
Հայտնաբերվել է 410 ոչ սթափ վարորդ․ պարեկների անցած շաբաթվա ծառայության արդյունքները
«Եթե Թուրքիան կրակ բացի քրդերի դեմ, լայնամասշտաբ պատժամիջոցներ կկիրառեմ». Թրամփ
Քաղաքականություն
26.10.2019 | 11:45
ԱՄՆ նախագահ Դոնալդ Թրամփը սպառնացել է Թուրքիայի դեմ լայնամասշտապ պատժամիջոցներ կիրառել, եթե վերջինը Սիրիայում քրդերի ռազմական գործողությունները վերսկսի: Այս մասին Թրամփը գրառում է կատարել Twitter-ի իր պաշտոնական միկրոբլոգում:
Դոնալդ Թրամփը, անդրադառնալով Սիրիայի հարցով Թուրքիա-ԱՄՆ և Թուրքիա-Ռուսաստան ձեռք բերված համաձայնություններից հետո Սիրիայում ստեղծված իրավիճակին, գրել է, որ Թուրքիան լիովին հասկանում է, որ չպետք է կրակ բացի քրդերի ուղղությամբ, քանի որ վերջինները հեռանում են անվտանգության գոտուց:
«Ես կարիքը չունեմ կրկնելու, որ խախտման դեպքում լայնամասշտաբ պատժամիջոցներ են կիրառվելու»,-նշել է Թրամփը:
Հիշեցնենք, որ Թուրքիայի կողմից Սիրիայի հյուսիս-արևելքում իրականացվող «խաղաղության ակունք» ռազմական գործողության սկզբից ի վեր Թրամփը բազմիցս սպառնացել է Թուրքիայի դեմ տնտեսական պատժամիջոցներ կիրառել:
