09.12.2025 | 16:52
Հայաստանի առաջնության ամենաթանկ ֆուտբոլիստները՝ ըստ Transfermarkt-ի
Սամվել Մայրապետյանին հերթական անգամ կվիրահատեն․ փաստաբան
Հասարակություն
25.10.2019 | 18:04
Կաշառք ստանալուն օժանդակելու համար մեղադրվող, գործարար Սամվել Մայրապետյանը պետք է ենթարկվի հերթական վիրահատության։ Այս մասին Factor.am-ին ասաց փաստաբան Լուսինե Սահակյանը։
Դեկտեմբեր ամսից Գերմանիայում գտնվող գործարարը, փաստաբանի խոսքով, բազում վիրահատությունների է ենթարկվել։ Օրեր առաջ Մայրապետյանը ցանկացել է վերադառնալ Հայաստան, բայց օդանավակայանում նրա ինքնազգացողությունը վատացել է՝ մանրամասնեց պաշտպանը։
Սամվել Մայրապետյանը, հիշեցնենք, ձերբակալվել էր 2018 թվականի հոկտեմբերի 6-ին, երեք օր անց դատարանը բավարարել էր նրան կալանավորելու միջնորդությունը: Առանց մանրամասների ՀՔԾ-ից միայն հայտարարում են, որ խոսքը խոշոր չափերի՝ մոտ 7 միլիոն դոլար կաշառք տալուն օժանդակելու մեղադրանքի մասին է։
Դեկտեմբերի 27-ին Մայրապետյանը 30 միլիոն դրամ գրավով ազատ էր արձակվել կալանքից՝ հաշվի առնելով նրա առողջական վիճակը: ՀՔԾ-ն վերադարձրել էր Մայրապետյանի անձնագիրը, բայց երկրից դուրս գալ չէր թույլատրել։ Այս հարցը լուծվեց ՄԻԵԴ-ի որոշումից հետո, որը Հայաստանի իշխանություններին պարտավորեցրել էր վերադարձնել Մայրապետյանի անձնագիրն ու թույլատրել բուժման նպատակով մեկնել Գերմանիա:
Լիլիթ Շաբոյան
