Քաղաքականություն
25.10.2019 | 16:08Մենք տեղյակ ենք, թե Հայաստանում ինչ աշխատանքներ են տարվում երկխոսության մեկնարկի ուղղությամբ, սակայն դա միայն ԵՄ անդամ 28 երկրների միասնական դիրքորոշման արդյունքում է հնարավոր. այս մասին այսօր՝ վիզաների ազատականացման թեմայով միջազգային գիտաժողովի ընթացքում, նշեց Հայաստանում Եվրամիության դեսպան Անդրեա Վիկտորինը:
«Վստահ չեմ, թե Հայաստանում բոլորն են տեղյակ՝ ինչ է վիզաների ազատականացումը: Առանց վիզայի ճամփորդելը չի նշանակում, որ Հայաստանի քաղաքացիները կկարողանան ԵՄ անդամ երկրներում աշխատել կամ ապրել: Դա նշանակում է, որ ՀՀ քաղաքացիները կկարողանան ԵՄ երկրներում 6 ամսվա ընթացքում մնալ ոչ ավել, քան 90 օր»,- ընդգծեց ԵՄ դեսպանը:
Նրա խոսքով՝ վիզաների ազատականացման երկխոսության մեկնարկին ընդառաջ՝ Հայաստանը պետք է լուրջ բարեփոխումներ անի. «Պետք է ուսումնասիրենք փաստաթղթերի ճշտությունը, սահմանները, ապաստան հայցելու դեպքերը, հիմնարար իրավունքները: Միայն դրանից հետո Եվրոպական հանձնաժողովը կառաջարկի ԵՄ անդամներին և Եվրախորհրդարանին՝ քննարկել հարցը»:
Անդրեա Վիկտորինը հավելեց, որ Եվրամիությունը պատրաստակամ է աջակցել Հայաստանին՝ իրականացնել ահրաժեշտ բարեփոխումները և հասնել վիզաների ազատականացման գործընթացի մեկնարկին:
Մանրամասները՝ տեսանյութում:
Նելլի Մելքոնյան
