18.10.2026 | 15:28
Հայաստանում ձմեռային զորակոչը կմեկնարկի նոյեմբերի 16-ին․ հայտնի են զորակոչի և զորացրման ժամկետները
ՌԴ-ն Սիրիայում լրացուցիչ 300 ռազմական ոստիկանների է տեղակայել
Քաղաքականություն
25.10.2019 | 13:11
ՌԴ-ն լրացուցիչ ևս 300 ռազմական ոստիկանների է տեղակայել Սիրիայում՝ թուրք-սիրիական սահմանային 30 կմ-անոց գոտում հատուկ առաջադրանք կատարելու համար: ՏԱՍՍ-ի փոխանցմամբ՝ այս մասին ասված է ՌԴ ՊՆ-ի տարածած հայտարարությունում:
«ՌԴ Զինված ուժերի ռազմական ոստիկանության ստորաբաժանման շուրջ 300 զինծառայողներ, որոնք տեղակայված են Չեչնիայի Հանրապետությունում, ժամանել են Սիրիա՝ հատուկ առաջադրանքներ կատարելու համար»,- ասված է հաղորդագրությունում: Դրանում նշվում է, որ մեկնել են Հյուսիսային Օսիայի օդանավակայանից:
Զինծառայողներն առաջադրանքների կատարմանը կանցնեն առաջիկայում: ՌԴ ՊՆ-ում նշել են, որ նրանք պետք է ապահովեն բնակչության անվտանգությունը, կարգուկանոն պահպանեն և տարբեր շրջաններում պարեկություն անեն: Նրանք նաև կօժանդակեն քրդական ինքնապաշտպանական ջոկատների և զինամթերքի՝ թուրք-սիրիական սահմանային 30 կմ-անոց գոտուց դուրսբերմանը:
Հոկտեմբերի 22-ին, հիշեցնենք, Սոչիում Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը Սիրիայի հյուսիս-արևելքում իրադրության կարգավորմանն ողղված համատեղ գործողությունների մասին հուշագիր են ստորագրել:
