05.06.2026 | 20:56
Բանավեճի պնդումները՝ սխալներից մինչև մանիպուլյացիաներ․ Factor TV-ի ստուգումը՝ իրական ժամանակում. ՏԵՍԱՆՅՈՒԹ
Ես ցանկություն չունեմ հանդիպելու Նաիրի Հունանյանին. Էդմոն Մարուքյան. ՏԵՍԱՆՅՈՒԹ
Հասարակություն
25.10.2019 | 12:10
ԱԺ «Լուսավոր Հայաստան» խմբակցության ղեկավար Էդմոն Մարուքյանը Նաիրի Հունանյանի հետ հանդիպելու ցանկություն չունի:
«Ես 2002-2012 թվականներին եղել եմ Արդարադատության նախարարության ՔԿՀ-ներում հասարակական վերահսկողություն իրականացնող դիտորդական խմբի անդամ: Ես բանտում այցելել եմ այսօրվա իշխանության բոլոր ներկայացուցիչներին, ովքեր եղել են քաղբանտարկյալ, այցելել եմ հազարավոր դատապարտյալների և կալանավորված անձանց: Ես բազմիցս եղել եմ Նաիրի Հունանյանի խցի մոտ, բայց ես երբեք ցանկություն չեմ ունեցել նրան տեսնել, այսօր էլ չունեմ»,- այսօր խորհրդարանական ճեպազրույցների ժամանակ ասաց Մարուքյանը:
Պատգամավորն ասաց՝ Նաիրի Հունանյանն իր համար դահիճ է, դահիճների պարագլուխ: Նրա խոսքով՝ Հունանյանը, ինչպես ցանկացած դատապարտյալ, իրավունք ունի համապատասխան ընթացակարգով դիմել՝ վաղաժամկետ ազատ արձակվելու:
«Բայց ես վստահ եմ, որ նրա խնդրանքը չի բավարարվի, որովհետև խնդրանքի բավարարման համատեքստում քննարկման առարկա է նաև նույն հանրության պատրաստ լինելը՝ նման մարդուն հետ ընդունել հասարակություն»,- հայտարարեց ԼՀԿ ղեկավարը:
Մանրամասները՝ տեսանյութում:
