07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Նաիրի Հունանյանի խոսելը ձեռնտու է Հայաստանի պետականությանը. Անդրանիկ Քոչարյան. ՏԵՍԱՆՅՈՒԹ
Քաղաքականություն
25.10.2019 | 11:57
Հոկտեմբերի 27-ի գործով հիմնական վկաները մեկը մյուսի հետևից առեղծվածային մահով հեռացան և, ըստ էության, շատ քիչ մարդ է մնացել, որոնք կարող են Հոկտեմբերի 27-ի լուսաբանման հետ կապված խնդիր լուծել: Այսօր խորհրդարանական ճեպազրույցների ժամանակ ասաց ՀՀ ԱԺ «Իմ քայլը» խմբակցության պատգամավոր Անդրանիկ Քոչարյանը:
«Երեկվանից ես տեսնում եմ, թե ինչպիսի անհանգստություններ կան տարբեր լրատվամիջոցների կողմից՝ կապված նրա հետ, որ եթե Նաիրի Հունանյանը խոսի, սա ո՞ւմ է ձեռնտու: Սա ձեռնտու է Հայաստանի պետականությանը»,- ասաց պատգամավորը:
Ամեն դեպքում, նրա կարծիքով, եթե նույնիսկ Նաիրի Հունանյանը խոսի, նրա ասածը դեռ վերջին ճշմարտությունը չի. «Եթե դեռ այն ժամանակ նախաքննական մարմնի հետ Նաիրի Հունանյանի համագործակցությունը լիներ շարունակական, և քաղաքական նպատակահարմարությունները չխոչընդոտեին բացահայտումներին, մենք, այնուամենայնիվ, կունենայինք շատ արժեքավոր բացահայտումներ, և կունենայինք այն, որ այսքան տարի այս հարցականները չէին մնա մեր հասարակության տրամադրությունների մեջ»:
Մանրամասները՝ տեսանյութում:
