03.04.2026 | 13:46
ՄԱԿ-ի Անվտանգության խորհուրդը կքննարկի և քվեարկության կդնի Հորմուզի նեղուցի վերաբացման հարցը
Այսօր զորամասը իբր ինքնակամ լքած և անհետացած զինծառայողը գտնվում է զորամասում. ՀՔԱՎ
Հասարակություն
24.10.2019 | 20:44
Այսօր՝ հոկտեմբերի 24-ին, shamshyan.com կայքում հրապարակվել է տեղեկություն այն մասին, որ Սյունիքի մարզի Կապան քաղաքում տեղակայված ՀՀ ՊՆ N զորամասից արդեն 5 օր է, ինչ ժամկետային զինծառայողը ինքնակամ լքել է զորամասը, եւ նրանից մինչ օրս որեւէ լուր չկա: Նշվել է նաեւ, որ ահազանգը ստացվել է զինծառայողի ազգականի կողմից:
Քանի որ նյութում հիշատակված էր, որ զինծառայողը հաշվառված է Վանաձորում, ՀՔԱ Վանաձորի գրասենյակը կապ է հաստատել Վանաձորի զինկոմիսարիատի հետ, տեղեկացրել, որ shamshyan.com կայքում այդպիսի հրապարակում է եղել և խնդրել է տրամադրել որևէ հեռախոսահամար՝ դեպքի մանրամասները ճշտելու համար։
Մեզ հասանելի հեռախոսահամարով հաջողվեց կապ հաստատել Կարեն Ս. անունով զինծառայողի մոր՝ տիկին Անահիտի, եւ քրոջ հետ, ովքեր տեղեկացրեցին, որ ներկա պահին զինծառայողը գտնվում է իր ծառայության զորամասում:
Նյութի հրապարակումից անմիջապես հետո ՀՔԱ Վանաձորի գրասենյակի հետ կապ է հաստատել Գ․ Շամշյանը և տեղեկացրել, որ Կարեն Ս․-ն և shamshyan.com հրապարակման մեջ ներկայացրած զինծառայողը տարբեր անձինք են։ Գ․ Շամշյանի փոխանցմամբ՝ այն, ինչ ներկայացված է shamshyan.com-ում, համապատասխանում է իրականությանը․ այդ զինծառայողին շարունակում են որոնել։
