17.11.2024 | 12:09
Միսս Տիեզերք 2024-ի հաղթող է դարձել Դանիայի ներկայացուցիչը
Էրդողանը Եվրոպային կրկին սպառնացել է սիրիացի փախստականներով
Քաղաքականություն
24.10.2019 | 19:47
Թուրքիայի նախագահ Ռեջեփ Թայիփ Էրդողանը Եվրոպայի երկրներին կրկին սպառնացել է բացել սահմանները հարյուր հազարավոր սիրիացի փախստականների համար: Այս մասին գրում է ՏԱՍՍ-ը:
«Երբ ես ասում եմ, որ կբացեմ դռները, Եվրոպան ուղղակի վրդովվում է: Մի հուզվեք, ժամանակը կգա, մենք այդ այդ դռները կբացենք: Եկեք դուք ևս զբաղվեք հարյուր հազարավոր փախստականներով»,- Անկարայում ելույթի ժամանակ ասել է Թուրքիայի նախագահը՝ հավելելով, որ Եվրոպան «փող և ուժեր ունի, բայց ամեն անգամ, երբ Հունաստան հարյուր փախստական է գնում, եվրոպացիները Թուրքիա են զանգում»:
Հիշեցնենք, որ հոկտեմբերի 9-ին Անկարան հայտարարեց Սիրիայի հյուսիսում նոր՝ «Խաղաղության ակունք» ռազմական գործողություն սկսելու մասին: Գործողության նպատակն այդ տարածքում անվտանգության գոտի ստեղծելն է, ուր, Անկարայի մտահղացման համաձայն, կարող են վերադառնալ Թուրքիայում ապաստանած սիրիացի փախստականները:
Հոկտեմբերի 22-ին Սոչիում հանդիպման ընթացքում Ռուսաստանի և Թուրքիայի նախագահները Սիրիայի հյուսիս-արևելքում իրադրության կարգավորմանն ուղղված համատեղ գործողությունների հուշագիր ընդունեցին: Դրանից հետո Անկարան հայտարարեց, որ լայնամասշտաբ գործողությունը դադարեցված է:
