15.01.2025 | 22:27
Երևանում և 7 մարզում էլեկտրաէներգիայի անջատումներ կլինեն
Doing Business վարկանիշում Հայաստանը 6 կետով զիջել է դիրքերը. ՀՀ ԿԲ-ն վարկանիշում տեխնիկական սխալ է գտել
Տնտեսություն
24.10.2019 | 17:47
Համաշխարհային բանկը (ՀԲ) հրապարակել է Doing Business նոր ամենամյա վարկանիշը, որում Հայաստանը 190 երկրների շարքում 47-րդ հորիզոնականն է զբաղեցրել: Այսպիսով, նախորդ տարվա համեմատ՝ մեր երկիրը 6 կետով զիջել է դիրքերը:
Եվրասիական տնտեսական միության (ԵՏՄ) անդամ մյուս պետությունների շարքում Հայաստանից ավելի վատ ցուցանիշ են արձանագրել Բելառուսը՝ մեկ տարվա ընթացքում 37-րդից հասնելով 49-րդ հորիզոնականի, և Ղրղզստանը՝ 70-րդ իջնելով 80-րդ հորիզոնականի:
Փոխարենը դիրքերը բարելավել են Ղազախստանը՝ 28-ից բարձրանալով 25, և Ռուսաստանը՝ 31-ից բարձրանալով 28-րդ հորիզոնական:
ԱՊՀ մյուս երկրները նոր վարկանիշում հետևյալ տեղերն են զբաղեցրել. Ադրբեջանը՝ 34, Մոլդովան՝ 48, Ուզբեկստանը՝ 69, Տաջիկստանը՝ 106-րդ հորիզոնական:
Համաշխարհային վարկանիշի առաջին եռյակում Նոր Զելանդիան, Սինգապուրն ու Հոնկոնգն են:
Հիշեցնենք, սակայն, որ ՀՀ Կառավարության այսօրվա նիստում Կենտրոնական բանկի նախագահ Արթուր Ջավադյանն ասել էր, որ վարկանիշում տեխնիկական սխալ են գտել, ինչի մասին տեղյակ են պահել ՀԲ-ի իրենց գործընկերներին:
«Եթե այս սխալն ուղղեն, մենք կհայտնվենք 37-րդ տեղում»,- ասել էր Ջավադյանը։
