19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Խաչատուր Սուքիասյանի ընտանիքին պատկանող ընկերությանը Կառավարությունն արտոնություն կտա
Տնտեսություն
23.10.2019 | 23:18
Կառավարության վաղվա նիստում արտոնություն կտրվի գործարար Խաչատուր Սուքիասյանի ընտանիքին պատկանող «Սիլ Կոնցեռն» ընկերությունների խմբի մաս կազմող «Սիլ ՄԱԱԶԱ» ՍՊԸ-ին:
Որոշման նախագծի համաձայն՝ ներդրումային ծրագրի շրջանակում «ՍԻԼ-ՄԱԱԶԱ» սահմանափակ պատասխանատվությամբ ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարով՝ մինչ 2021 թվականը, կհետաձգվի: Ընկերությունը 82 մլն 432 հազար դրամի շշեր է ներկրելու:
Ներկայացված ներդրումային ծրագրի շրջանակում ընկերությունը մտադիր է կատարել շուրջ 118 մլն 945 հազար դրամի չափով ներդրում, որից սարքավորումների ձեռքբերման համար նախատեսված գումարը կկազմի շուրջ 93 մլն դրամ, իսկ այլ ապրանքներ ձեռք բերելու համար նախատեսված գումարը կկազմի շուրջ 25.9 մլն դրամ։
Նախագծի համաձայն՝ ընկերությունում երեք տարվա ընթացքում ստեղծելու է 17 նոր աշխատատեղ` 160-170 հազար դրամ միջին աշխատավարձով:
«ՍԻԼ-ՄԱԱԶԱ» ՍՊ ընկերությունը հիմնադրվել է 2012 թվականին։ Ընկերությունը զբաղվում է հյութերի, զովացուցիչ ըմպելիքների և ջրերի արտադրությամբ։
Նարեկ Կիրակոսյան
