18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
ՀՀ-Սիրիա բարեկամական խմբի անդամները հանդիպել են Հայաստանում Սիրիայի դեսպանի հետ
Քաղաքականություն
23.10.2019 | 22:59
ՀՀ ԱԺ Հայաստան-Սիրիա բարեկամական խմբի ղեկավար Տիգրան Ուլիխանյանը և խմբի ամդամները հանդիպել են ՀՀ-ում Սիրիայի Արաբական Հանրապետության արտակարգ և լիազոր դեսպան Մոհամմեդ Հաջ Իբրահիմի հետ: Այս մասին տեղեկանում ենք ԱԺ մամուլի ծառայությունից:
Ողջունելով դեսպանին խորհրդարանում՝ Տիգրան Ուլիխանյանն իր և բարեկամական խմբի անունից դատապարտել է Թուրքիայի կողմից իրականացված ռազմական ներխուժումը Սիրիայի ինքնիշխան տարածք:
Պատգամավորն ընդգծել է, որ թուրքական զինուժի գործողություններն անընդունելի են Հայաստանի համար ոչ միայն Սիրիայում բնակվող հայության, այլև՝ յուրաքանչյուր քաղաքացու կյանքին վտանգ սպառնալու տեսանկյունից:
Բարեկամական խմբի ղեկավարը հույս է հայտնել, որ միջազգային կառույցները ևս հանդես կգան դատապարտող հայտարարություններով ու գործուն միջամտությամբ կկանխեն հակամարտության հետագա խորացումը:
Դեսպան Մոհամմեդ Հաջ Իբրահիմը, շնորհակալություն հայտնելով աջակցության համար, նշել է, որ Սիրիան մշտապես բարձր է գնահատել Հայաստանի մարդասիրական առաքելությունը:
Խոսելով իր երկրում Թուրքիայի իշխանությունների ծավալած գործողություններից՝ դեսպանն անդրադառձել է Հայոց ցեղասպանությանը: Մոհամմեդ Հաջ Իբրահիմը հույս է հայտնել, որ Հայաստանը կաջակցի Սիրիային վերակառուցման գործընթացում ևս:
Պատգամավորները հետաքրքրվել են նաև թուրքական գործողություններից տուժած՝ կանանց և երեխաների, ինչպես նաև եզդի համայնքի ներկայացուցիչների ճակատագրերով:
