02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Ալեքսանդր Սարգսյանի փաստաբանի բողոքը՝ գույքի վրա դրված կալանքը վերացնելու մասին, մասնակի բավարարվել է
Հասարակություն
23.10.2019 | 21:36
Երևանի ընդհանուր իրավասության դատարանը մասնակի բավարարել է Սերժ Սարգսյանի եղբոր՝ Ալեքսանդր Սարգսյանի փաստաբան Միհրան Պողոսյանի բողոքը՝ կապված Սարգսյանի գույքի վրա կալանք դնելու վերաբերյալ ԱԱԾ որոշման հետ: Այս մասին Factor.am-ին ասաց Միհրան Պողոսյանը:
Նա, սակայն, դեռևս չի կարող ասել, թե ինչ ծավալի գույքի մասին է խոսքը:
«Ես բողոք եմ ներկայացրել դատարան՝ նշելով, որ իրավունքների և ազատությունների խախտում է տեղի ունեցել, և պահանջել եմ վերացնել խախտված իրավունքները: Դատարանը որոշել է մասնակի բավարարել բողոքը: Հիմա թե այդ մասնակիի տակ ինչ է մտնում, ոնց է մտնում՝ մինչև դատական ակտը չստանամ, չեմ կարող ասել»,- ասաց Պողոսյանը:
Փաստաբանը, միաժամանակ, նշեց, որ մի քանի որոշում է բողոքարկել՝ կապված հիմնականում գույքային իրավունքների հետ. «Դատարանն ընդամենը հրապարակել է, որ բողոքը մասնակի բավարարվել է: Կարծում եմ՝ որոշակի գույք կալանքից կհանվի, բայց դա դեռ ընդամենը կարծիք է»:
Հիշեցնենք, որ Ալեքսանդր Սարգսյանին մեղադրանք է առաջադրվել ԱԱԾ-ում քննվող քրեական գործի շրջանակում: Նա մեղադրվում է առանձնապես խոշոր չափով խարդախություն կատարելու մեջ:
