12.06.2026 | 12:10
Արեգնազ Մանուկյանին ՔԿ են կանչել Թևանյանի գործի շրջանակում // Փաշինյանը մեկօրյա արձակուրդում է. ԼՈՒՐԵՐ
«Եթե Սևանից լրացուցիչ ջուր չվերցնենք, լճի մակարդակը կիջնի՞, թե՝ կբարձրանա». Սերգեյ Ատոմյան. ՏԵՍԱՆՅՈՒԹ
Տնտեսություն
23.10.2019 | 13:15
Եթե հիմա մենք այս տեմպով շարունակում ենք, կարծում եմ, որ պետք է հասնենք տարեկան, մոտավորապես, 20-30 սմ լճի մակարդակի բարձրացմանը։ Այս մասին ԱԺ-ում, արձագանքելով «Իմ քայլը» խմբակցության պատգամավոր Սերգեյ Ատոմյանի հարցին՝ կապված Սևանից լրացուցիչ ջուր չվերցնելու հարցին, ասաց Վարազդատ Կարապետյանը։
«Կարծում եմ՝ սրանք այն թվերն են, որոնք մեզ հնարավորություն կտան 2030 թվականին սահմանված թիրախին հասնել»,- նկատեց Կարապետյանը։
Ատոմյանի այն հարցին, եթե տարեկան 20-30 սմ բարձրանա, հնարավոր է՝ դրանից ավելի մեծ կորուստներ ունենանք, օրինակ՝ ճանապարհը ջրի տակ անցնելու հետ կապված և այլն, հաշվարկներ կա՞ն դրա հետ կապված, Վարազդատ Կարապետյանը դրական պատասխան տվեց։
«Այո, հաշվարկներ կան արված։ Ակնհայտ է, որ ճանապարհի որոշ հատվածներ կջրածածկվեն, և մենք արդեն Կառավարության հետ բյուջետային քննարկումների ժամանակ այդ հարցերը քննարկել ենք»,- ասաց Կարապետյանը։
Հիշեցնենք, որ այսօր խորհրդարանը քննարկում է «Սևանա լճի էկոհամակարգի պահպանման, վերարտադրման և օգտագործման միջոցառումների տարեկան և համալիր ծրագիրը հաստատելու մասին» օրենքի նախագիծը հաստատելու մասին հարցը։
Մանրամասները՝ տեսանյութում։
