23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Ջրառը չի ազդում Սևանի մակարդակի վրա. Գևորգ Գորգիսյան. ՏԵՍԱՆՅՈՒԹ
Տնտեսություն
23.10.2019 | 13:05
Հիմա պետք է փորձեմ միֆ կոտրել՝ ջրառը երբեք չի ազդել ու այսօր էլ չի ազդում Սևանի մակարդակի վրա։ Այս մասին ԱԺ-ում իր ելույթի ժամանակ ասաց «Լուսավոր Հայաստան» խմբակցության քարտուղար Գևորգ Գորգիսյանը։
«Սևանի մակարդակի բարձրացումը և իջեցումը միշտ պայմանավորվել է Արփա-Սևանով՝ այնտեղ թողվող ջրի քանակով։ Եթե մենք ուզում ենք Սևանի խնդրին լուծում գտնենք, պետք է նախ խնդիրը հասկանանք, իսկ այդ խնդիրը պայմանավորված է Արփա-Սևանով։ Եվ եթե մենք ուզում ենք Սևանի մակարդակը բարձրացնենք, մենք պետք է մտածենք՝ Արփա-Սևանն ինչո՞ւ չի կարող 250 խմ ջուր թողնել Սևան, միգուցե այնտեղ վերանորոգման խնդիր կա և դրանով զբաղվենք։ Բերել ենք, փաստորեն, նախագիծ, որը ոչ մի խնդիր չի լուծում, մեծ աղմուկ է անում։ Փաստորեն, նույնիսկ Սևանի խնդիրը պարզաբանված չէ, թե ինչից է ջուրը նվազում կամ բարձրանում, բայց ուզում ենք լուծում տալ մի նախագծով, որը ոչ մի բանի մասին է»,- նշեց Գորգիսյանը։
Հիշեցնենք, որ այսօր խորհրդարանը քննարկում է «Սևանա լճի էկոհամակարգի պահպանման, վերարտադրման և օգտագործման միջոցառումների տարեկան և համալիր ծրագիրը հաստատելու մասին» օրենքի նախագիծը հաստատելու մասին հարցը։
Մանրամասները՝ տեսանյութում։
