07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Իվետա Մուկուչյանը, Արսեն Սաֆարյանը, Սիլվա Հակոբյանը, Թաթան և Արման Հովհաննիսյանը եկամուտները ներկայացրել են հարկային
Հասարակություն
23.10.2019 | 10:34
ՊԵԿ-ում իրենց եկամուտները հայտարարագրել են շոուբիզնեսի ներկայացուցիչներ Իվետա Մուկուչյանը, Արսեն Սաֆարյանը, Սիլվա Հակոբյանը, Ալբերտ Սիմոնյանը (Թաթան), Արման Հովհաննիսյանը: Այս մասին Factor.am-ի հարցին ի պատասխան փոխանցեցին ՊԵԿ լրատվականից:
Միաժամանակ, հարկային վարչարարության ընթացքում պարզվել է, որ երգիչ Անդրեյ Հովնանյանը (Անդրեն) հանդիսանում է նաև Ամերիկայի Միացյալ Նահանգների քաղաքացի և իր համերգային գործունեությունից ՀՀ տարածքից դուրս ստացված եկամուտներից հարկերը հաշվարկում և վճարում է ԱՄՆ-ում:
Կոմիտեն տեղեկացնում է, որ հարկային վարչարարությունը կրում է շարունակական բնույթ և դեռևս հարկային հաշվարկներ չներկայացրած երգիչների գծով ձեռնարկվում են միջոցներ:
Մի քանի օր առաջ գրել էինք, որ Լիլիթ Հովհաննիսյանի նկատմամբ քրգործ է հարուցվել՝ եկամուտները չհայտարարագրելու պատճառով:
Նարեկ Կիրակոսյան
