04.10.2026 | 14:27
Առաջիկա օրերին հանրապետությունում անձրև և ամպրոպ է սպասվում
«Այս ենթադրյալ զինադադարով ոչ ոքի խաբել հնարավոր չէ». ԵԽ նախագահը՝ Թուրքիային
Քաղաքականություն
22.10.2019 | 17:23
Եվրոպական խորհրդի (ԵԽ) նախագահ Դոնալդ Տուսկը դատապարտել է Սիրիայի հյուսիս-արևելքում Թուրքիայի կողմից իրականացվող «խաղաղության ակունք» ռազմագործողությունը. գրում է ermenihaber-ը:
Հոկտեմբերի 22-ին Եվրոպական խորհրդարանում ելույթ ունեցած Տուսկը Թուրքիային կոչ է արել լիովին դադարեցնել ռազմական գործողությունները։
«Այս ենթադրյալ զինադադարով ոչ ոքի խաբել հնարավոր չէ։ Թուրքիան պետք է վերջնականապես դադարեցնի ռազմական գործողությունները, հետ քաշի իր ուժերը և հարգի միջազգայնորեն ընդուված մարդու իրավունքները։ Հակառակ դեպքում մարդիկ ավելի շատ կտառապեն, «Իսլամական պետությունը» հաղթանակ կտոնի, իսկ Եվրոպայի անվտանգության համար էլ լուրջ սպառնալիք կստեղծվի», – նշել է Եվրախորհրդի նախագահը։
