08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
2019-ի 3-րդ եռամսյակում լրագրողների ու ԶԼՄ-ների մասնակցությամբ 30 դատական գործ կա․Աշոտ Մելիքյան. ՏԵՍԱՆՅՈՒԹ
Հասարակություն
22.10.2019 | 14:39
2019 թվականի երրորդ եռամսյակում շարունակվել է լրագրողների ու լրատվամիջոցների ներգրավվածությամբ նոր դատական հայցերի աննախադեպ հոսքը. այս մասին այսօր հրավիրված ասուլիսի ընթացքում նշեց Խոսքի ազատության պաշտպանության կոմիտեի նախագահ Աշոտ Մելիքյանը։
«Մենք երեք ամիսների ընթացքում 33 նոր դատական գործ ենք արձանագրել, որոնցից 30-ը ՀՀ Քաղաքացիական օրենսգրքի 1087․1 հոդվածքով նախատեսված՝ վիրավորանքի և զրպարտության հիմքով են, 3-ը վերաբերում են տեղեկություններ ստանալու և տարածելու իրավունքի խախտումներին, 1 դեպքում էլ՝ լրատվամիջոցը հայց է ներկայացրել ընդդեմ քաղաքագետի։ Հետաքրքիր է, թե ովքեր են հայցվորները․ 30 դատական գործից 13-ի դեպքում դրանք ներկա և նախկին պաշտոնյաներ են, 9-ը՝ շարքային քաղաքացիներ, 5-ը՝ գործարարներ, 1-ը՝ քաղաքական գործիչ, 1-ը՝ շոու բիզնեսի ներկայացուցիչ և 1 դեպքում էլ լրագրողը հայց է ներկայացրել լրատվամիջոցի դեմ»,- ասաց Աշոտ Մելիքյանը։
Նրա խոսքով՝ ուրախությամբ են արձանագրում, որ 2019-ի երրորդ եռամսյակի ընթացքում ֆիզիկական բռնության մեկ դեպք է գրանցվել։ «Նախորդ եռամսյակում, օրինակ, այդպես չէր։ Ինչ վերաբերում է ճնշումներին, դրանց ընդհանուր թիվը 35 է։ 11 դեպքում էլ խախտվել է տեղեկություն ստանալու և տարածելու իրավունքը»,- ընդգծեց ԽԱՊԿ նախագահը։
Մանրամասները՝ տեսանյութում։
Նելլի Մելքոնյան
