10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Բացի զինվորից, հարձակվողական մարտերին պիտի պատրաստ լինի նաև հասարակությունը. Վովա Վարդանով
Տեսանյութեր
04.10.2017 | 13:14
Մենք բավականին լավ ենք պատրաստված սահմանը հսկելու համար. այսօր լրագրողների հետ հանդիպմանն ասաց առաջին հետախուզադիվերսիոն ջոկատի հիմնադիր, հրամանատար Վովա Վարդանովը՝ խոսելով աշխարհում տեղի ունեցող ռազմաքաղաքական իրադարձություններից, այս համատեքստում արցախյան հիմնահարցից ու նրա հնարավոր զարգացումներից:
«Սահմանը հսկելու համար հիմա շատ ավելի լավ է մեր վիճակը՝ համեմատած 1.5 տարի առաջվա հետ»,- ասաց բանախոսը՝ շեշտելով, որ ապրիլյան քառօրյա պատերազմի կրկնությունն անհնար է:
Խոսելով մարտական պատրաստվածությունից բանախոսը նկատեց. «Մեր տղաների մարտական ոգին շատ բարձր է, նույնիսկ չափից ավելի բարձր է ու մի քիչ էլ, որ ֆիզիկական պատրաստվածությանը ուշադրություն դարձնենք, կարող ենք մինչև Քուռ առաջ գնալ»:
Անդրադառնալով բանակի դոկտրինային, նկատեց, որ այն պաշտպանական է, հարձակվողական գործողություններ շատ քիչ են մշակվում. «Ամեն զինվոր չէ, որ պատրաստ է հարձակվողական մարտերին և բացի զինվորից պետք է պատրաստ լինի նաև հասարակությունը»:
