12.08.2026 | 23:30
Աճել են դեղորայքից և կենցաղային քիմիական նյութերից երեխաների թունավորման դեպքերը. Ավանեսյան
Արսեն Բաբայանին ձերբակալելու որոշումը բողոքարկվել է
Հասարակություն
22.10.2019 | 11:57
Հատուկ քննչական ծառայությունը երեկ հաղորդագրություն էր տարածել՝ հայտնելով, որ Քրեական օրենսգրքի 314-րդ հոդվածի 1-ին մասի կասկածանքով` պաշտոնական կեղծիք կատարելու համար ձերբակալվել է Ազգային ժողովի աշխատակազմի ղեկավարի նախկին տեղակալ Արսեն Բաբաբանը:
Նրա փաստաբանները բողոքարկել են ձերբակալման որոշումը և սպասում են, որ դատարանն այն քննարկման առնի։ Այս մասին Factor.am-ին փոխանցեց «Իրավական ուղի» ՀԿ-ի համահիմնադիր Ռուբեն Մելիքյանը։
314-րդ հոդվածի 1-ին մասով նախատեսված արարքը պատժվում է տուգանքով՝ նվազագույն աշխատավարձի երկուհարյուրապատիկից հինգհարյուրապատիկի չափով կամ ազատազրկմամբ՝ առավելագույնը չորս տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:
Լիլիթ Շաբոյան
