12.08.2026 | 23:30
Աճել են դեղորայքից և կենցաղային քիմիական նյութերից երեխաների թունավորման դեպքերը. Ավանեսյան
29.000 դրամ առավելագույն տուգանք. կներդրվի տուգանային միավորների համակարգ. Արմեն Խաչատրյան. ՏԵՍԱՆՅՈՒԹ
Հասարակություն
22.10.2019 | 11:19
Տուգանային միավորների համակարգի կիրառման փաթեթում առավելագույն տուգանքը սահմանված է 29.000 դրամ։ Այս մասին այսօր Ազգային ժողովում ունեցած ելույթում ասաց ՀՀ ԱԺ «Իմ քայլը» խմբակցության պատգամավոր Արմեն Խաչատրյանը։
«Մենք ունենք տուգանային ներդրման փաթեթ, որի մասին բազմիցս խոսել ենք։ Այդ փաթեթն ընդլայնված կանոնակարգում է ճանապարհային երթևեկության ոլորտի մի շարք իրավահարաբերություններ։ Տուգանային միավորման կիրառման այդ փաթեթում առավելագույն տուգանքը սահմանված է 29.000 դրամ, այսինքն՝ տրամաբանությունը նրանում է, որ 30 հազար դրամից սկսած՝ Քրեական օրենսգրքում կան պատիժներ։ Առավել թիրախային է դառնում վարչական տույժերի կիրառման պրակտիկան, որը թեթևացնում է նաև սոցիալական բեռը։ Այս նախագիծը ժամանակավրեպ է, չի կարող լինել 150.000 դրամ տուգանք, և միայն դրանով սահմանափակվենք»,- նշեց Արմեն Խաչատրյանը:
Պատգամավորը նկատեց, որ տուգանային միավորների համակարգը կամ, այսպես կոչված, բալային համակարգի փաթեթը լուծում է այս բոլոր խնդիրները և ստիպում է, որպեսզի մարդիկ դիտավորյալ խախտումներ չանեն։
Մանրամասները՝ տեսանյութում:
