23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՀՀ-ն այն եզակի երկրներից է, որի տնտեսության ցուցանիշների բարելավում է կանխատեսվել. Արտակ Մանուկյան. ՏԵՍԱՆՅՈՒԹ
Տնտեսություն
21.10.2019 | 16:13
Հայաստանն այն եզակի երկրներից է, որի տնտեսության ցուցանիշների հետ կապված միջազգային կազմակերպությունները բարելավում են կանխատեսել: Այսօր լրագրողների հետ հանդիպմանն այս մասին ասաց ԱԺ «Իմ քայլը» խմբակցության պատգամավոր Արտակ Մանուկյանը:
«Եթե մենք դիտարկենք աշխարհի միտումները, զարգացումները, ապա կտեսնենք, որ դրանց հետ կապված այս բոլոր կառույցներն ավելի վատատեսական կանխատեսումներ ունեն: ԱՄՆ-Չինաստան հնարավոր առևտրային պատերազմները, տարբեր տարածաշրջաններում որոշակի բացասական միտումները, արդյունքում աշխարհի մակարդակով զարգացման ավելի նվազ սցենար է դրված, մոտավոր 3 տոկոս: Տեսնում ենք, որ Հայաստանն ավելի բարելավել է իր դիրքերը»,- հավելեց նա:
Տնտեսագետ պատգամավորի խոսքով՝ դա պայմանավորված է այն հանգամանքով, որ նախ՝ արտաքին շուկաներում պահանջարկի որոշակի նվազումն ավելի անցնցում կտանեն այն երկրները, որտեղ ծառայություններն են մեծ հաշվով կարևորվում. «Զարգացող երկրներն ավելի մեծ հնարավորություն ունեն այդ նույն ներդրումների դիմաց ավելի մեծ տնտեսական աճ գրանցել, քան զարգացած երկրները, որովհետև այստեղ ավելի մեծ է չօգտագործված ներուժը»:
Արտակ Մանուկյանը չափազանց ուրախալի է համարում այն, որ 2019 թվականին Հայաստանի առաջանցիկ աճի տեմպերը կրկնակի ավելի արագ են, քան աշխարհում միջինում կանխատեսվում է:
Մանրամասները՝ տեսանյութում:
