06.06.2026 | 12:34
ՄՔԾ տարածքային ստորաբաժանումները աշխատելու են շաբաթ և կիրակի օրերին
Սամվել Մայրապետյանի ինքնազգացողությունը օդանավակայանում վատացել է․ պաշտպանները գրությամբ դիմել են ՀՔԾ
Հասարակություն
21.10.2019 | 18:18
Առանձնապես խոշոր չափի կաշառք ստանալու համար մեղադրվող Սամվել Մայրապետյանը դեռևս Գերմանիայում է։ Նրա փաստաբանները ՀՔԾ-ին գրավոր տեղեկացրել են, որ վարույթն իրականացնող մարմնի կողմից սահմանված ողջամիտ ժամկետում Ս. Մայրապետյանը չի կարողացել վերադառնալ, քանի որ օդանավակայանում վերջինիս ինքնազգացողությունը վատացել է, և նա տեղափոխվել է բժշկական կենտրոն։
Այս մասին Factor.am-ի հարցին ի պատասխան ասացին ՀՔԾ-ից։ Նրանց փոխանցմամբ՝ վարույթն իրականացնող մարմնի կողմից միջոցներ են ձեռնարկվում փաստաբանների կողմից հայտնած տեղեկությունների իսկությունը պարզելու և օրենքով սահմանված կարգով վարույթի ընթացքն ապահովելու համար։
Հիշեցնենք, որ Մայրապետյանի պաշտպանը վերջերս Factor.am-ին հայտնել էր, որ Մայրապետյանը դեռևս գտնվում է վերականգնողական փուլում։
Լիլիթ Շաբոյան
