Քաղաքականություն
04.10.2017 | 11:29Ազգային ժողովի Հանրապետական որոշ պատգամավորներ տեղյակ չեն, որ Հայաստանում մի շարք առաջին անհրաժեշտության ապրանքներ կտրուկ թանկացել են:
Նշենք, որ զգալիորեն թանկացել են տավարի միսը, կարագը, ինչպես նաև կաթնամթերքը, պանիրը, բենզինը։ Այսօր Հանրապետական պատգամավոր, տրանսպորտի և կապի նախկին նախարար Գագիկ Բեգլարյանի եղբայր Հակոբ Բեգլարյանից լրագրողները հետաքրքրվեցին՝ տեղյա՞կ է արդյոք թանկացումներից, պատգամավոր դառնալուց հետո Ազգային ժողովում որևէ ելույթ կամ հարց չհնչեցրած պատգամավորը զարմացավ հարցից. «Ի՞նչ թանկացում»:
Այնուհետև պարոն Բեգլարյանը հորդորեց այսօր իր հետ գործ չունենալ: Երևանի քաղաքապետ Տարոն Մարգարյանի աներորդին՝ Ռոբերտ Սարգսյանը, ևս պարզվեց՝ թանկացումներից տեղյակ չէ: Կուսակիցների զարմանքը կիսեց նաև Ալիկ Սարգսյանը. «Ես տեղյակ չեմ: Գնումներ անում է կինս, ես ստեղ չէի, նոր եմ եկել: Էս երկու օրվա ընթացքում չի հասցրել զեկուցել»:
Factor.am-ի հարցին՝ ընտրություններից հետո թանկացումները հնարավո՞ր է ծախսած փողերը հետ բերելու տարբերակ է, Ալիկ Սարգսյանը բորբոքվեց. «Ավելորդ հերյուրանքների, զրպարտանքների պատասխանելը ավելորդ է»:
Մանրամասները՝ տեսանյութում:
Շողիկ Գալստյան
