08.12.2025 | 21:00
Վստահ եմ՝ 10-ից բացի մյուս եպիսկոպոսները ևս Կտրիճ Ներսիսյանի դեմ են, շուտով տեսանելի կլինի․ Վահագն Ալեքսանյան․ ՏԵՍԱՆՅՈՒԹ
ԱԺ-ն մերժեց ԵՏՄ-ից դուրս գալու հարցն ուսումնասիրող հանձնաժողովի ստեղծման «Ելք»-ի առաջարկը
Քաղաքականություն
04.10.2017 | 10:22
Ազգային ժողովում այսօր նիստի մեկնարկին քվեարկության դրվեց ՀՀ ԱԺ «Ելք» խմբակցության հեղինակած «Հայաստանի Հանրապետության մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ՀՀ ԱԺ հայտարարության նախագծի վերաբերյալ Ազգային ժողովին եզրակացություն ներկայացնելու համար ԱԺ ժամանակավոր հանձնաժողով ստեղծելու մասին» ՀՀ ԱԺ որոշման նախագիծը:
Պատգամավորները 79 դեմ, 10 կողմ ձայների հարաբերակցությամբ դեմ քվեարկեցին որոշման նախագծին: «Ելք»-ի 9 պատգամավորներից բացի ևս մեկ պատգամավոր կողմ քվեարկեց նախագծին: Հիշեցնենք՝ նախագիծը քննարկման է ներկայացրել ՀՀ ԱԺ «Ելք» խմբակցության ղեկավար Նիկոլ Փաշինյանը:
Նախագծի ընդունման նպատակը «Հայաստանի Հանրապետության մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի վերաբերյալ ուսումնասիրություն կատարելն ու Ազգային ժողովին օբյեկտիվ եզրակացություն ներկայացնելն էր:
Շողիկ Գալստյան
