23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
ԵՄ-ին Ալբանիայի և Հյուսիսային Մակեդոնիայի անդամակցության հարցը հետաձգվել է մինչև 2020թ.
Քաղաքականություն
18.10.2019 | 18:29
Եվրամիության գագաթնաժողովի ժամանակ ԵՄ-ին Ալբանիայի և Հյուսիսային Մակեդոնիայի անդամակցության շուրջ բանակցությունների մեկնարկը հետաձգվել է մինչև 2020 թվականը: ՏԱՍՍ-ի փոխանցմամբ՝ այս մասին գագաթնաժողովի արդյունքներն ամփոփելիս հայտնել է Եվրոպական խորհրդի նախագահ Դոնալդ Տուսկը:
«Նման որոշումը միասնական համաձայնություն է պահանջում: Մենք պետք է լուծում գտնենք մինչև 2020 թվականի մայիսին Զագրեբում նախատեսված գագաթնաժողովը»,- ասել է նա:
Միաժամանակ, և՛ Տուսկը, և՛ Եվրահանձնաժողովի նախագահ Ժան-Կլոդ Յունկերը բանակցությունների մեկնարկից հրաժարվելու՝ Բրյուսելի որոշումը պատմական սխալ են կոչել: «Սա լուրջ պատմական սխալ է»,- ասել է Յունկերը: «Սա ձախողում չէ, սա սխալ է»,- իր հերթին ասել է Տուսկը:
Տուսկի խոսքով՝ սրա համար պետք չէ մեղադրել Տիրանային և Սկոպյեին: «Երկու երկրներն էլ լիարժեք իրավունք ունեն հենց այսօրվանից սկսել բանակցությունները, նրանք պատրաստ են: Դժբախտաբար, դրան պատրաստ չեն ԵՄ որոշ երկրներ»,- հավելել է նա:
Եվրոպական աղբյուրների համաձայն՝ բանակցությունների մեկնարկն արգելափակել է Ֆրանսիան:
