09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Հրայր Թովմասյանն ասում է, որ իր վրա ճնշում չկա, ես վստահում եմ նրան. Նիկոլայ Բաղդասարյան. ՏԵՍԱՆՅՈՒԹ
Քաղաքականություն
18.10.2019 | 14:48
Երբ ի հայտ է գալիս հանգամանք, որ գույքը, որը կասկածելի աղբյուրից է ձեռք բերված, գրանցված է իքս անձի անունով, այդ անձը պետք է հարցաքննվի: Խորհրդարանում լրագրողների հետ զրույցում ԱԺ «Իմ քայլը» խմբակցության պատգամավոր Նիկոլայ Բաղդասարյանն այսպես մեկնաբանեց ՍԴ նախագահ Հրայր Թովմասյանի հորը հարցաքննության հրավիրելու հանգամանքը:
Հարցին՝ հաշվի առնելով ՍԴ-ի և Հրայր Թովմասյանի շուրջ ստեղծված իրավիճակը, արդյո՞ք այդ քայլերը չեն նշանակում Հրայր Թովմասյանի վրա ճնշման գործադրում, Բաղդասարյանը պատասխանեց. «Եթե հարուցվել է քրեական գործ, վարույթ է ընդունել քննիչը, և անհրաժեշտություն է ծագել հարցաքննել գույքի սեփականատերերին, ի՞նչ պիտի անի ուրիշ քննիչը: Այսինքն՝ չգնա հարցաքննի, որպեսզի ճնշում չդիտարկվի՞»:
Հստակեցնող հարցին՝ Հրայր Թովմասյանի վրա ճնշում չկա՞, պատգամավորն արձագանքեց. «Հրայր Թովմասյանն ասում է՝ ո՛չ, ես իրեն վստահում եմ այդ հարցում»:
Մանրամասները՝ տեսանյութում:
