09.05.2024 | 00:22
Ինչ են քննարկել Փաշինյանն ու Պուտինը
Մամեդյարովը հայտարարել է, որ «փոքր-ինչ հիասթափված է Նյու Յորքի հանդիպումից»
Քաղաքականություն
17.10.2019 | 16:10
Ադրբեջանի ԱԳ նախարար Էլմար Մամեդյարովը ռուսական «Իզվեստիա»-ին տված հարցազրույցում ասել է, որ «փոքր-ինչ հիասթափված է Նյու Յորքում կայացած հանդիպումից», չնայած դրան՝ ԵԱՀԿ Մինսկի խմբի համանախագահների միջնորդությամբ երկխոսությունը Հայաստանի հետ կշարունակվի:
«Վերջին անգամ մենք հանդիպել ենք մեկ ամիս առաջ, ԱՄՆ-ում: Ես արդեն ասել եմ, որ, ցավոք, մենք պետք է խոսենք ոչ թե բանակցությունների, այլ հենց հանդիպումների մասին: Չնայած վերջին նման հանդիպումն իմ հայ գործընկերոջ հետ տեղի է ունեցել Նյու Յորքում՝ Մինսկի խմբի մասնակցությամբ, անկեղծ ասած՝ ես փոքր-ինչ հիասթափված եմ դրանից»,- ասել է Մամեդյարովը:
Նա, միաժամանակ, հայտարարել է, որ չնայած Լեռնային Ղարաբաղի հետ շփման գծում «բավական թեժ» իրադրությանը՝ այս բոլոր տարիներին երկխոսությունը շարունակվել է:
«Հանուն օբյեկտիվության պետք է ասել, որ այդ ամբողջ ժամանակահատվածում շփման գծում բավական թեժ է եղել: Եվ, չնայած դրան, մենք կարողանում էինք խնդիրներ լուծել, առաջ շարժվել և բավական լուրջ բանակցություններ էինք վարում այն մասին, թե ինչպես պետք է լուծել ընթացիկ հարցերը»,- ասել է նա:
ՀՀ ԱԳՆ խոսնակ Աննա Նաղդալյանը Factor.am-ի հետ զրույցում մեկնաբանելով Մամեդյարովի հայտարարությունը՝ նշեց. «Մենք հանդիպումներին գնում ենք մեր հստակ առաջնահերթություններով, որոնք բոլորին հայտնի են: Մեզ համար բանակցություններում առաջնայինն Արցախի անվտանգությունն է և կարգավիճակը»:
