28.11.2024 | 19:39
Ռոբերտ Քոչարյանի նոր մեղադրանքով վերագրվող արարքի վաղեմության ժամկետն անցած է
ԵՄ-ն ու Մեծ Բրիտանիան Brexit-ի հարցով համաձայնություն են ձեռք բերել
Քաղաքականություն
17.10.2019 | 16:27
Եվրամիության և Մեծ Բրիտանիայի ներկայացուցիչներն ավելի քան երկու տևած բանակցությունների արդյունքում համաձայնություն են ձեռք բերել «Հյուսիսային Իռլանդիայի մասին լրացուցիչ արձանագրության և քաղաքական հռչակագրի հարցում, որոնք կլրացնեն ԵՄ-ից Մեծ Բրիտանիայի դուրս գալու մասին համաձայնագիրը»: ՏԱՍՍ-ի փոխանցմամբ՝ այս մասին Twitter-ում գրել է Եվրահանձնաժողովի նախագահ Ժան-Կլոդ Յունկերը:
«Երբ կա քաղաքական կամք, կլինի նաև համաձայնագիր, իսկ մենք այն ունեն: Սա արդարացի և հավասարակշռված համաձայնագիր է ԵՄ-ի և Մեծ Բրիտանիայի համար»,- հավելել է նա:
Եվրոպական խորհրդի ղեկավար Դոնալդ Տուսկին ուղղված նամակում Յունկերը նշել է, որ ԵՀ-ն և Մեծ Բրիտանիան արդեն հաստատել են համաձայնությունները: Միաժամանակ, Յունկերը ԵՄ անդամ պետությունների ղեկավարներին, որոնք այսօր Բրյուսելում մասնակցելու են գագաթնաժողովի, կոչ է արել հավանություն տալ համաձայնագրին:
«Դա թույլ կտա ավարտին հասցնել Brexit-ի գործընթացը և, վերջապես, անցնել ԵՄ-ի և Մեծ Բրիտանիայի հետագա համագործակցության շուրջ քննարկումներին»,- հայտարարել է Ժան-Կլոդ Յունկերը:
Եվրամիության կանոնների համաձայն՝ ԵՄ-ից Մեծ Բրիտանիան պետք է դուրս գար 2019 թվականի մարտի 29-ին, այսինքն՝ այդ մասին գրավոր տեղեկացնելուց երկու տարի անց: Սակայն բրիտանական խորհրդարանի Համայնքների պալատի պատգամավորները երեք անգամ մերժեցին Brexit-ի պայմանների մասին համաձայնագրի նախագիծը, որը քննարկել էին Բրյուսելն ու բրիտանական կառավարությունը՝ Թերեզա Մեյի գլխավորությամբ:
Արդյունքում ԵՄ-ն համաձայնեց Brexit-ը հետաձգել նախ մինչև ապրիլ կամ մայիս, այնուհետև՝ մինչև հոկտեմբերի 31-ը, իսկ Թերեզա Մեյը ստիպված եղավ հրաժարական տալ:
Կողմերը վստահություն են հայտնել, որ մինչև հոկտեմբերի 31-ը Եվրամիությունից Մեծ Բրիտանիայի դուրս գալու համաձայնագիրը կվավերացվի:
