14.05.2026 | 17:20
24 անշարժ գույք, 9,8 մլրդ դրամ, 1․8 մլն եվրո, 2․8 մլն դոլար․ ինչ է հայտարարագրել Գագիկ Ծառուկյանը
Զորամասերում ԶՈՒ-ում կանանց ներգրավման և նրանց ինտեգրմանն առնչվող հարցերի շուրջ քննարկումներ են անցկացվել
Հասարակություն
17.10.2019 | 12:42
ՀՀ պաշտպանության նախարարությունից տեղեկացնում են, որ ՀՀ ՊՆ-ի և ՄԱԿ-ի բնակչության հիմնադրամի հայաստանյան գրասենյակի համագործակցության 2019թ. ծրագրի շրջանակներում ՀՀ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանն այցելել է 1-ին և 4-րդ զորամիավորումների ենթակայությամբ գործող զորամասեր:
Փորձագետների խմբի հետ իրականացված այցի շրջանակում հանդիպում է կազմակերպվել զորամասերից մեկի կին զինծառայողների հետ՝ զինված ուժերում կանանց իրավունքների պաշտպանության և հավասար հնարավորությունների ապահովման վերաբերյալ նրանց իրազեկվածությանը, առկա խնդիրներին, ինչպես նաև դրանց լուծման վերաբերյալ կին զինծառայողների դիրքորոշումներին ծանոթանալու նպատակով:
Զինված ուժերում կանանց ներգրավման և նրանց ինտեգրմանն առնչվող հարցերի շուրջ քննարկումներ են անցկացվել նաև զորամասերի հրամանատարական և շարքային կազմի հետ:
