29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՀՔԾ-ն իշխանությունը յուրացնելու հանցագործության դեպքի առթիվ քրգործ է հարուցել
Հասարակություն
17.10.2019 | 09:36
ՀՀ հատուկ քննչական ծառայությունից տեղեկացնում ե, որ ՀՀ ԱԺ պատգամավոր Արման Բաբաջանյանի կողմից ՀՀ գլխավոր դատախազին հաղորդում է ներկայացվել մի խումբ պաշտոնատար անձանց կողմից պետական իշխանությունը յուրացնելու առերևույթ հանցագործության դեպքի կապակցությամբ:
«Հաղորդման հիման վրա ՀՀ հատուկ քննչական ծառայությունում նախապատրաստված նյութերով որոշում է կայացվել ՀՀ քրեական օրենսգրքի 300-րդ հոդվածի 1-ին մասով քրեական գործ հարուցելու մասին:
Կատարվում է նախաքննություն»,- ասված է հաղորդագրությունում:
Հիշեցնենք, որ ԱԺ պատգամավոր Արման Բաբաջանյանը դիմել էր գլխավոր դատախազ Արթուր Դավթյանին՝ հանցագործության մասին հաղորդում տալով։ Բաբաջանյանը պահանջում է ՍԴ նախագահ Հրայր Թովմասյանի արարքներին տալ քրեաիրավական գնահատական։
Հաղորդման մեջ Բաբաջանյանը գրել է, թե Հրայր Թովմասյանը «զավթել է բարձր դատարանի լիազորությունները»։ Արման Բաբաջանյանը պնդում է, որ Հրայր Թովմասյանը պատգամավորական մանդատից հրաժարվելու դիմում չի ներկայացրել, բայց այդ ընթացքում արդեն սկսվել է նրան՝ ՍԴ նախագահի պաշտոնում նշանակելու գործընթացը․ «ԿԸՀ-ի կողմից ԱԺ նախագահի լիազորություններից ակնհայտորեն չբխող ակտին իրավական ուժ և հետևանք ապահովելու նպատակով և Հրայր Թովմասյանի՝ ԱԺ պատգամավորի և ՍԴ անդամի պաշտոններին Սահմանադրությամբ սահմանված անհամատեղելիությունը քողարկելու նպատակով ընդունվել է ապօրինի ակտ, որով փորձ է արվել հաստատելու Թովմասյանի՝ պատգամավորական լիազորությունների դադարեցման օրինականությունը»։
