22.05.2026 | 10:00
Ինչի՞ Ուկրաինայի նախագահը չպիտի գար Հայաստան, ՌԴ նախագահը քա՞նի, անգամ ա գնացել Ադրբեջան. Փաշինյան․ ՏԵՍԱՆՅՈՒԹ
Ես դա կգնահատեմ որպես հերթական սադրանք և շոու․ Դավիթ Բաբայանը՝ ադրբեջանցիների տարածած տեսանյութի մասին
Քաղաքականություն
16.10.2019 | 18:35
Ֆեյսբուքյան օգտատեր Ալեն Ղուլյանը տեսանյութ է հրապարակել, որտեղ երևում է, որ Արցախի սահմանամերձ Ադրբեջանի Թարթառի շրջանում (Մարտակերտի շրջանի ուղղություն) հարյուրավոր ադրբեջանցիներ են հավաքվել, որոնք հայտարարում են, որ դրոշներով և «Ղարաբաղը Ադրբեջան է» գրությամբ ցուցանակներով պատրաստվում են շարժվել դեպի Արցախի սահման և հատել այն։ Կադրերից երևում է, որ հավաքվածների մեջ կան նաև անչափահասներ։
Այս դեպքի առնչությամբ մեկնաբանություն ստանալու ակնկալիքով Factor.am-ը դիմեց Արցախի նախագահի խոսնակ Դավիթ Բաբայանին, վերջինս ասաց, որ դա Ադրբեջանի կողմից կազմակերպված սադրանք է, շոու:
«Ընդհանրապես ադրբեջանական կողմը պարբերաբար այսպիսի պրովոկացիաների է դիմում, չի բացառվում, որ դրանք նաև հին տեսանյութեր լինեն։ Մի քանի անգամ եղել է դեպք, որ իրենք հավաքվեն և նման հարցերով հանդես գան։ Ես չեմ կարծում Արդբեջանական իշխանությունները թույլ տան, որ այդ մարդիկ գան սահման, քանի որ դա իսկապես վտանգավոր է։ Ես դա կգնահատեմ որպես հերթական սադրանք և շոու»,- ասաց Բաբայանը։
Լիլիթ Շաբոյան
