07.09.2026 | 22:38
Ադրբեջանը Կասպից ծովում ստեղծում է անօդաչու նավատորմ․ ի՞նչ կփոխեն Ալիևին ներկայացված SALVO-ն և KAYRA-ն
Դանիել Իոաննիսյանի բողոքի քննությունն այսօր ավարտվեց․ այն բավարարելու դեպքում Վանեցյանի դեմ քրգործ կհարուցվի
Հասարակություն
16.10.2019 | 17:51
«Իրազեկ քաղաքացիներ» միավորման ծրագրերի համակարգող Դանիել Իոաննիսյանի բողոքի քննությունն այսօր ավարտվեց։
Իոաննիսյանը, հիշեցնենք, դատական հայց էր ներկայացրել այն բանի համար, որ ԱԱԾ նախկին տնօրեն Արթուր Վանեցյանի դեմ քրեական գործ չի հարուցվել։
Հիշեցնենք, որ Արթուր Սաքունցն ու Դանիել Իոաննիսյանը ԱԱԾ-ի դեմ հաղորդում էին ներկայացրել, քանի որ ՀՔԾ-ն մերժել էր ԱԱԾ նախկին տնօրեն Արթուր Վանեցյանի դեմ քրգործ հարուցել: Բողոքի հիմքում Գարեգին Միսկարյանի այն գրառումն էր, որտեղ նշվել էր, որ Արթուր Վանեցյանի ընտանիքը ծաղկի բիզնես ունի: Այս գրառումից հետո քաղաքացին ԱԱԾ-ից հենց ԱԱԾ բլանկով ծանուցում էր ստացել, որով պահանջում էին, որ նա հերքի իր գրառման մեջ տեղ գտած տեղեկությունը:
Ըստ բողոքող կողմի, միտում են տեսնում, որ այդ քայլով ցանկացել են քաղաքացուն հասկացնել, որ տվյալ պաշտոնյայի վերաբերյալ գրառումներ այլևս չանի: Քաղաքացին կարող է ԱԱԾ պաշտոնական բլանկով ծանուցումը որպես ճնշում դիտարկել:
Դատարանը դատավոր Կարեն Ֆարխոյանի նախագահությամբ այսօր հեռացավ խորհրդակցական սենյակ՝ որոշում կայացելու: Նիստին չէին ներկայցել ո՛չ դատախազը, ո՛չ էլ ՀՔԾ-ի ներկայացուցիչը, ո՛չ էլ Վանեցյանի նախկին խորհրդական Վահե Ենգիբարյանը։
Նշենք, որ Իոաննիսյանի բողոքը բավարարելու դեպքում ՀՔԾ-ում քրեական գործ կհարուցվի ընդդեմ Արթուր Վանեցյանի:
