15.07.2026 | 20:20
«Դրսից եկողների» դեմ փոփոխություն․ ՀՀ-ն խստացնում է ընտրական ցենզը, մինչ այլ երկրներ հրաժարվում են սահմանափակումներից
Մեզ ազատեց Նիկոլ Փաշինյանը, թե՞ արդարադատությունը. Պավլիկ Մանուկյանը դատարանում ցուցմունք տվեց. ՏԵՍԱՆՅՈՒԹ
Հասարակություն
16.10.2019 | 12:07
Այսօր «Սասնա ծռեր» խմբի տասը անդամի գործով ցուցմունք տվեց ամբաստանյալներից Պավլիկ Մանուկյանը: Նա ասաց, որ պնդում է նախկին արված հայտարարությունը, թե Արմեն Բիլյանը չի եղել Գագիկ Մկրտչյանին կրակողը, այլ Էդուարդ Գրիգորյանը:
Մեղադրողի բոլոր հարցերին Պավել Մանուկյանը չպատասխանեց. լուռ էր: Սպանված ոստիկան Գագիկ Մկրտչյանի կնոջ հարցերին ի պատասխան Պավլիկ Մանուկյանն ասաց, որ չի հիշում, թե է՛լ ովքեր են ներկա եղել այդ դեպքին, բայց հիշում է, որ Մկրտչյանը մահացել է Էդուարդ Գրիգորյանի պատահական կրակոցից:
Պավլիկ Մանուկյանը նաև հարց հղեց դատավորին. «Մեզ միշտ ասում են Նիկոլը ձեզ ազատեց, հարց եմ տալիս` մեզ Նիկոլ Փաշինյանը ազատե՞ց, թե՞ արդարադատությունը»:
Դատավորը Մանուկյանին հարցրեց` ինչո՞ւ նախաքննության ընթացքում ցուցմունք չի տվել այդ մասին, ինչին ի պատասխան Պավլիկ Մանուկյանն ասաց. «Իրավիճակ փոխվեց ցուցմունք տվեցի, մինչ այդ երկրում իշխում էր Սերժի հանցավոր բանդան, ո՞ւմ ցուցմունք տայի»:
Դատավորը հետաքրքրվեց, թե բանկոմատի գողությունը, որը ևս մեսագրվում է Արմեն Բիլյանին, ո՞վ է իրականացրել, Մանուկյանն ասաց` Մխիթար Ավետիսյանը: Այլ հարցերի պատասխանել Մանուկյանը չցանկացավ:
Մանրամասները՝ տեսանյութում:
Լիլիթ Շաբոյան
