11.12.2024 | 21:29
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Կոչ եմ անում այս պահին զերծ մնալ տարատեսակ անհարկի մեկնաբանություններից. Մխիթար Հայրապետյանը «Բարձրագույն կրթության և գիտության» ՀՀ օրենքի նախագծի առնչությամբ
Քաղաքականություն
16.10.2019 | 11:58
Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը հայտարարություն է տարածել, որտեղ ասվում է.
«Սիրելի´ հայրենակիցներ,
հարկ եմ համարում հիշեցնել, որ ՀՀ կրթության, գիտության, մշակույթի և սպորտի նախարարության կողմից մշակվող «Բարձրագույն կրթության և գիտության» ՀՀ օրենքի աշխատանքային նախագիծը դեռևս շարունակում է փոփոխվել:
Ուզում եմ տեղեկացնել, որ շաբաթներ առաջ ԿԳՄՍ նախարար Արայիկ Հարությունյանի հետ քննարկելով սույն հարցը՝ պայմանավորվել ենք նախագծի հրապարակումից հետո ԱԺ գիտության, կրթության, մշակույթի, սփյուռքի, սպորտի և երիտասարդության հարցերի մշտական հանձնաժողովի նախաձեռնությամբ խորհրդարանական լսումներ անցկացնել՝ համակողմանիորեն քննարկելու օրենքի նոր նախագիծը:
Ելնելով վերոշարադրյալից՝ կոչ եմ անում այս պահին զերծ մնալ տարատեսակ անհարկի մեկնաբանություններից»:
