30.04.2026 | 13:29
Իսլամ Մախաչևը սկսել է պատրաստվել հաջորդ մենամարտին
«ՆԱՏՕ-ի վրա ճնշումներ կգործադրենք, որպեսզի միջոցներ ձեռնարկի Թուրքիայի դեմ». Պենտագոնի ղեկավար
Քաղաքականություն
15.10.2019 | 17:08
ԱՄՆ-ի պաշտպանության նախարար Մարկ Էսփերը հայտարարել է, որ ՆԱՏՕ-ի վրա ճնշում են գործադրելու, որպեսզի տնտեսական և դիվանագիտական կանխարգելիչ միջոցներ ձեռնարկի Թուրքիայի դեմ` կապված Սիրիայի հյուսիսում իրականացվող ռազմագործողության հետ. գրել է ermenihaber-ը:
Էսփերը նշել է, որ թեմայի շուրջ քննարկում է ունենալու ՆԱՏՕ-ի դաշնակիցների հետ առաջիկայում կայանալիք հանդիպմանը:
Նա անհարկի և իմպուլսիվ է որակել Թուրքիայի ռազմագործողությունները և հայտնել, որ դրանք կարող են հանգեցնել «Իսլամական պետություն» (ԻՊ-ISIS) ահաբեկչական խմբավորման դիրքերի ամրապնդմանը:
«Թուրքիայի ռազմական գործողությունների հետևանքով ԻՊ-ի բազմաթիվ գրոհայիններ են ազատ արձակվել: Թուրքիայի անպատասխանատու գործողությունների պատճառով մեր զինվորներին ուղղված ռիսկերը հասել են անընդունելի մակարդակի: Ուստի, մենք իրականացնում ենք ԱՄՆ-ի զինվորական անձնակազմը դուրսբերման պլանը»,- ասել է Էսփերը:
Ավելի վաղ ԱՄՆ նախագահ Դոնալդ Թրամփը հայտարարություն էր տարածել Սիրիայի հյուսիս-արևելքում իրականացվող «խաղաղության ակունք» ռազմական գործողության պատճառով Թուրքիայի դեմ հնարավորինս կարճ ժամկետում պատժամիջոցներ սահմանելու մասին:
