06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Վարդգես Գասպարին ընդդեմ Արմեն Թավադյանի դատական նիստը՝ ՈՒՂԻՂ
Հասարակություն
15.10.2019 | 14:04
Մեկնարկել է Վարդգես Գասպարին ընդդեմ Արմեն Թավադյանի դատական նիստը:
«Հինգերորդ ալիքի» սեփականատեր Արմեն Թավադյանը մեղադրյալի աթոռին է հայտնվել Ռոբերտ Քոչարյանի գործով մայիսի 13-ի դատական նիստի օրը Ավան և Նոր Նորք վարչական շրջանների ընդհանուր իրավասության դատարանի առաջին հարկում տեղի ունեցած միջադեպի արդյունքում։ Այդ օրը քաղաքացիական ակտիվիստ Վարդգես Գասպարիի ձեռքից վերցրել էին պաստառը, ապա ջրով լի շշով հարվածել դեմքին։
Այտոսկրի վնասվածք ստացած Գասպարին հայտարարել էր, որ երկրորդ նախագահի կողմնակիցներն են արարքի հեղինակները։ Դեպքից 4 օր անց մեղադրանք առաջադրվեց Արմեն Թավադյանին՝ Քրեական օրենսգրքի 258-րդ հոդվածի 4-րդ մասով, այն է՝ որպես զենք օգտագործվող առարկայի գործադրմամբ խուլիգանություն կատարելը: Թեև նախաքննական մարմինը կալանավորում էր պահանջել, դատարանը Թավադյանի նկատմամբ ընտրել է խափանման միջոց ստորագրություն չհեռանալու մասին։ Արմեն Թավադյանը դեպքի հաջորդ օրն իսկ հերքել էր, թե ջրի շշով հարվածել է Գասպարիին․ «Ես չեմ ճանաչում էդ մարդուն։ Ո՞նց ես կարամ խփեմ էդ մարդուն, ում չեմ ճանաչում»։
