02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Մանվել Գրիգորյանը տառապանք է ապրում. փաստաբան. ՏԵՍԱՆՅՈՒԹ
Հասարակություն
15.10.2019 | 13:43
«Մանվել Գրիգորյանի առողջական վիճակը գնալով վատանում է։ Կոնսիլիումը եզրակացրեց, որ անձի նկատմամբ կիրառված խափանման միջոց կալանքը որոշակի խոչընդոտ է առաջացնում՝ ֆիզիկական ակտիվություն, արևի լույս և այլն։ Ուղղակի միտում եմ տեսնում Գրիգորյանին պահել կալանքի տակ, խոշտանգել՝ բխող բոլոր բացասական հետևանքներով։ Դա անթույլատրելի է։ Անգամ պատերազմի տարիներին գերիների նկատմամբ նման վերաբերմունք չի եղել՝ կա՛մ գերուն սպանել են, կա՛մ թողել են հանգիստ ապրի։ Գրիգորյանի նկատմամբ տոտալ խոշտանգումն ակնհայտ է։ Պետությունը պոզիտիվ պարտականություն ունի դրա դեմը առնելու»,- հայտարարեց ԵԿՄ նախկին նախագահ Մանվել Գրիգորյանի պաշտպան Լևոն Բաղդասարյանը։
Փաստաբանն ասաց, որ Մարդու իրավունքների եվրոպական դատարանը առաջնահերթ կարգով քննելու է Մանվել Գրիգորյանի գանգատը ընդդեմ ՀՀ-ի՝ անօրինական կալանքի և խոշտանգման փաստի հետ կապված։
«Կարող է լինել փողոցային արդարադատություն, բայց տևական ժամանակ անձին խոշտանգելով բերել այն աստիճանի, որ կրի հոգեկան տառապանք կրի, դա անթույլատրելի է և կապ չունի՝ ում է դա վերաբերվում»,- ասաց Լևոն Բաղդասարյանը։
Նրան հիշեցրինք, որ մոտ մեկ տարի առաջ Մանվել Գրիգորյանին կալանավորելու և տարածքներում խուզարկությունների անցկացման շրջանում տեղեկություն եղավ, թե նա զանգել է այլ անձի ու դրդել մեղքն իր վրա վերցնել։ Հարցրինք փաստաբանին՝ արդյո՞ք այս հանգամանքը բավարար չէ, որպեսզի դատարանը եզրակացնի, որ Մանվել Գրիգորյանը կարող է ազատության մեջ խոչընդոտել արդար դատաքննությանը։
«Դա եղել է տարածք, որտեղ 20-ից ավելի կազմակերպություններ են գործել։ Ի՞նչ է ասել Գրիգորյանը, ասել է՝ հայտնաբերե՞լ են զենքը, տվել է այդ անձի անունը, ասել է՝ պատասխանատուն պետք է պատասխան տա։ Տրամաբանական է։ Նման պայմաններում փորձեցին շուռ տալ։ Գրիգորյանը ինչպե՞ս կարող է խոչընդոտել, երբ արդեն հաղորդել են՝ էսինչ շենքի էսինչ վայրից զենք են հայտնաբերել ու ասել է՝ թող պատասխանատուն պատասխան տա»,- ասաց փաստաբանը։
Ըստ նրա՝ Մանվել Գրիգորյանի տնից անձնական խուզարկության ժամանակ հայտնաբերված զենք-զինամթերքը եղել է բացառապես օրինական։ «Կարած քրեական գործ է՝ յուրացումից սկսած զենքով ավարտած, հարկային պարտավորությունների մասին անգամ չեմ էլ ուզում բարձրաձայնեմ։ Անձը այսօր հոգեկան տառապանք է ապրում և ասել թող մեռնի՝ անթույլատրելի է»,- ասաց Բաղդասարյանը։
Մանրամասները՝ տեսանյութում:
