23.07.2026 | 14:02
Արգենտինային ԱԱ-2026-ից հեռացնելու մասին ստորագրահավաքը մոտ է եղել Գինեսի ռեկորդը գերազանցելուն
Գագիկ Խաչատրյանը հիվանդանոցից վերադարձել է կալանավայր, Ռոբերտ Քոչարյանը՝ ոչ
Հասարակություն
15.10.2019 | 12:04
Ինչպես արդեն տեղեկացրել էինք ՀՀ ՊԵԿ նախկին նախագահ, Ֆինանսների նախկին նախարար Գագիկ Խաչատրյանը, որը մեղադրվում է առանձնապես խոշոր չափի վատնում կատարելու և պաշտոնեական դիրքի չարաշահման համար, տեղափոխվել էր քաղաքացիական հիվանդանոց։ Մի քանի օր հիվանդանոցում մնալուց հետո Խաչատրյանը երեկ տեղափոխվել է կալանավայր։
Այս մասին Factor.am-ի հետ զրույցում ասաց ՀՀ ԱՆ քրեակատարողական ծառայության հանրային կապերի բաժնի պետ Նոնա Նավիկյանը:
Կալանավայրից քաղաքացիական հիվանդանոց էր տեղափոխվել և ապա վիրահատվել նաև Մարտի 1-ի գործով առանցքային մեղադրյալ, ՀՀ երկրորդ նախագահ Ռոբերտ Քոչարյանը։ Նոնա Նավիկյանը Factor.am-ին փոխանցեց, որ Քոչարյանը դեռևս «Իզմիրլյան» բժշկական կենտրում է։
Նա մեղադրվում է ՀՀ Սահմանադրական կարգը տապալելու և խոշոր չափի կաշառք ստանալու համար։ Ժամեր անց կմեկնարկի Քոչարյանի և մյուսների գործով դատական նիստը և պարզ կդառնա՝ արդյոք Քոչարյանը կմասնակցի՞, թե՞ հիվանդանոցից չմասնակցելու վերաբերյալ գրություն կներկայացնի դատարան։
Լիլիթ Շաբոյան
