13.12.2024 | 20:29
Ադրբեջանի և ՆԱՏՕ-ի միջև ռազմական համագործակցության հարցեր են քննարկվել
Թրամփը պատժամիջոցներ է սահմանել Թուրքիայի նկատմամբ Սիրիայում գործողության պատճառով
Քաղաքականություն
15.10.2019 | 13:40
ԱՄՆ նախագահ Դոնալդ Թրամփը Սիրիայում գործողության պատճառով Թուրքիայի նկատմամբ պատժամիջոցներ սահմանելու մասին հրամանագիր է ստորագրել: Այս մասին հայտնել է ԱՄՆ պետքարտուղար Մայք Պոմպեոն, գրում է ՌԻԱ Նովոստին:
Ըստ Պոմպեոյի հայտարարության՝ փաստաթուղթը նպատակ ունի ճնշում գործադրել Անկարայի վրա՝ նրան ստիպելով դադարեցնել գործողությունն արաբական հանրապետությունում:
Սահմանափակումները կարող են վերաբերել մարդկանց և կազմակերպությունների, որոնց գործողությունները «վտանգ են ներկայացնում քաղաքացիական անձանց համար կամ հանգեցնում են տարածաշրջանում խաղաղության, անվտանգության և կայունության հետագա խաթարմանը»:
ԱՄՆ ֆինանսների նախարարությունում հստակեցրել են, որ արդեն պատժամիջոցների ցանկում են հայտնվել Թուրքիայի պաշտպանության և էներգետիկայի նախարարությունները, այդ գերատեսչությունների ղեկավարներ Հուլուսի Աքարն ու Ֆաթիհ Դոնմեզը, ինչպես նաև իշխող Արդարություն և զարգացում կուսակցության փոխնախագահ Սուլեյման Սոյլուն:
Հիշեցնենք, որ Թուրքիան հոկտեմբերի 9-ին հայտարարեց Սիրիայի հյուսիսում «Խաղաղության աղբյուր» գործողություն սկսելու մասին՝ ուղղված Քրդաական աշխատավորական կուսակցության և «Իսլամական պետություն» ահաբեկչական խմբավորման դեմ:
