30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Էրդողանն անդրադարձել է Սիրիական բանակի՝ քրդերին օգնության գնալու լուրերին
Քաղաքականություն
14.10.2019 | 20:00
Թուրքիայի նախագահ Ռեջեփ Թայիփ Էրդողանը անդրադարձել է Սիրիայի քրդական ուժերի ու Դամասկոսի համաձայնությանը, որի շրջանակներում Սիրիայի կառավարական ուժերը օգնության են գնում քրդերին. գրում է ermenihaber-ը:
Մեկնաբանելով այն լուրերը, որ կառավարական ուժերը շարժվում են դեպի քրդերի վերահսկողության տակ գտնվող Քոբանի ու Մանբիչ քաղաքներ՝ Էրդողանը նշել է, որ իրենք խնդիր չեն ունենալու Քոբանի մտնելու հետ կապված:
«Այս պահի դրությամբ շատ ասեկոսեներ են շրջանառվում: Երևում է, որ Քոբանիում խնդիր չի լինելու, Ռուսաստանն էլ դրական մոտեցում ունի այստեղ»,- ասել է Թուրքիայի նախագահը:
Խոսելով Սիրիայի հյուսիսում՝ Եփրատից արևելք ընկած հատվածում գտնվող Մանբիչ շրջանի մասին՝ որտեղ առկա է քրդական ուժերի վերահսկողությունը և կան նաև փոքր քանակությամբ ամերիկացի զինվորականներ, ասել է. «Մանբիչի վերաբերյալ մեր ծրագիրը շարունակում ենք: Մենք նպատակ չունենք այնտեղ հաստատվել: Կոալիցիան ուժերի հետ մեր համաձայնությունն էլ այնպիսին էր, որ այն 90 օրվա ընթացքում պետք է մաքրվեր ահաբեկչությունից (քրդերին նկատի ունի-խմբ.): Ահաբեկչությունից մաքրվելուց հետո այստեղ պետք է վերադառնան իրական տերերը: Մանբիչի հարցում մենք իրականացնում ենք մեր որոշածը»:
