10.01.2025 | 23:14
ՊԵԿ նախագահն ընդունել է Հնդկաստանի դեսպանին
Մակրոնն ասել է՝ Ֆրանսիան Ադրբեջանին չի վաճառի զենք, որը կօգտագործվի ԼՂՀ-ի դեմ. ԱԳՆ խոսնակ. ՏԵՍԱՆՅՈՒԹ
Քաղաքականություն
14.10.2019 | 16:30
Հայաստանը կոչ է անում բոլոր գործընկերներին հրաժարվել այն քայլերից, որոնք ուղղակիորեն կամ անուղղակիորեն նպաստում են սպառազինությունների մրցավազքին ու տարածաշրջանում լարվածության ուժեղացմանը։ Այս մասին լրագրողների հետ ճեպազրույցում ասաց ԱԳՆ մամուլի քարտուղար Աննա Նաղդալյանը։
Նա հիշեցրեց, որ Ֆրանսիայի Հանրապետության նախագահ Էմանուել Մակրոնը հայկական համայնքի ներկայացուցիչների հետ հանդիպմանը խոստացել էր զենք չվաճառել, որը կօգտագործվի ԼՂՀ-ում:
Պատասխանելով հարցին՝ ֆրանսիական մի շարք դատարաններ չեղարկել են Ֆրանսիայի ու Արցախի քաղաքների միջև բարեկամության և համագործակցության համաձայնագրերը, Աննա Նաղդալյանն ընդգծեց, որ հայկական կողմի դիրքորոշումն այն է, որ մարդու իրավունքները և դրանց իրականացումը պայմանավորված չեն կեցության տարածքի կարգավիճակով։
«Այդ դիրքորոշումը մենք հնչեցնում ենք բոլոր հարթակներում։ Այդ թվում դա վերաբերում է աշխարհի հետ ազատ հաղորդակցման իրավունքին»,- ընդգծեց Նաղդալյանը։
Մանրամասները՝ տեսանյութում:
